ខេត្តកំពត ៖ នៅថ្ងៃពុធ ទី5 ខែឧសភា ឆ្នាំ2០21 នេះ ឯកឧត្តម ឯក ឆេងហួត ព្រះរាជអាជ្ញាអមសាលាដំបូងខេត្តកំពត និងលោកជំទាវ ព្រមទាំងសហការីរួមមាន ឯកឧត្តម ហាក់ សុវណ្ណ និងលោកជំទាវ ឯកឧត្តម អ៊ិន ជីវ៉ា និងលោកជំទាវ លោកឧកញ៉ា លឹម ហេងឈីវ និងលោកជំទាវ លោក ជួន សារ៉ា និងភរិយា លោក គន្ធី លោក ផន គន្ធា លោក អ៊ុយ វុនលី លោក ថាន់ ថុង លោកប្អូនណន និងអស់លោក លោកស្រី ដែលជាសប្បុរសជនបានយកអំណោយទេយ្យទានទៅប្រគេនព្រះសង្ឃនៅវត្តគោចិនលែង ស្រុកទឹកឈូ ខេត្តកំពត។
អំណោយដែលឯកឧត្តម ឯក ឆេងហួត និងលោកជំទាវ ព្រមទាំងសហការី នាំមកប្រគេនដល់វត្តគោចិនលែង រួមមាន ៖ អង្ករ 4 បាវ មី 7 កេស ត្រីខ 7កេស ទឹកសុទ្ធ 11 យួរ ទឹកស៊ីអ៊ីវ ទឹកដោះគោ ម៉ាស់ 10 ប្រអប់ និងគ្រឿងភេសជ្ជៈផ្សេងៗ សម្រាប់ព្រះសង្ឃយកទៅប្រើប្រាស់ធ្វើជាស្បៀងចង្ហាន់ប្រចាំថ្ងៃ ទន្ទឹមនឹងនោះដែរ ឯកឧត្តម ឯក ឆេងហួត បានចូលរួមបច្ច័យកសាងវត្តចំនួន១ ០០០ ០០០ រៀល ( មួយលានរៀល) និងប្រគេនព្រះមេគណ បច្ចយ័ចំនួន 20 ម៉ឺនរៀល ព្រមទាំងលោកនេន12 អង្គ ក្នុងមួយអង្គចំនួន 3 ម៉ឺនរៀល សរុបបច្ចយ័ទាំងអស់ ១ ៥៦០ ០០០ រៀល (មួយលាន ប្រាំសែន ហុកសឹបម៉ឺនរៀល)។
ឯកឧត្តម ឯក ឆេងហួត បានមានប្រសាសន៍ថា អំណោយទេយ្យទានខាងលើនេះ គឺជាការរួមចំណែកទ្រទ្រង់ដល់វិស័យព្រះពុទ្ធសាសនា ជួយដល់ទុក្ខធុរៈរបស់វត្តដែលកំពុងខ្វះខាតស្បៀង ដែលជាវប្បធម៌ចែករំលែកស្របតាមអនុសាសន៍ដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
ឯកឧត្តមបានមានប្រសាសន៍បន្តទៀតថា យើងទាំងអស់គ្នាត្រូវគោរពតាមវិធានរបស់រាជរដ្ឋាភិបាលនិងក្រសួងសុខាភិបាល គឺអនុវត្ត 3 ការពារ និង3 កុំ ដើម្បីការពារកុំឱ្យឆ្លងជំងឺរាតត្បាតកូវីត19៕
