រាជធានីភ្នំពេញ៖ តាមសេចក្តីរាយការណ៏នាយប់វេលាម៉ោង៦.១៨នាទីថ្ងៃទី២៣ ខែវិច្ឋិកា ឆ្នាំ២០២៤ ពីប្រជាពលរដ្ឋដែលបានបាត់កូនរបស់ខ្លួនជាច្រើនថ្ងៃមកហើយ បានខិតខំខ្នះខ្នែងរកកូនជាទីស្រឡាញ់ ទើបបានប្រទះកំពុងអង្គុយចុចហ្គេមប៉ាញ់ត្រីនៅក្នុងមណ្ឌលកំសាន្តដែលមានយីហោ វេទមន្ត អ៊ិចធើធេនម៉ិនវើយដ៏ ស្ថិតនៅក្នុងផ្សារទំនើប ស៊ីធីម៉ល ជាន់ទី២ ក្បែរពហុកីឡាដ្ឋានជាតិអូឡាំពិក ក្នុងសង្កាត់វាលវង ខណ្ឌ៧មករា រាជធានីភ្នំពេញ។ ប្រភពបានបញ្ជាក់បន្ថែមទៀតថា នៅក្នុងមណ្ឌលកំសាន្តនោះសំបូរល្បែងលេងគ្រប់ប្រភេទមិនចាញ់កាស៊ីណូប៉ុន្មានទេ… មានទាំងស្របច្បាប់និងល្មើសច្បាប់ ក្នុងនោះមានដូចជា៖ ទូហ្គេមប៉ាញ់ត្រី ឡូតូ …ជាដើម។
ប្រភពពីអាជីវករលក់ដូរក្នុងផ្សារទំនើបស៊ីធីម៉ល និងអ្នកញៀនល្បែងទាំងនោះបានខ្សឹបប្រាប់ថា ទីតាំងល្បែងប៉ាញ់ត្រីគ្រប់ប្រភេទ និងឆ្នោតឡូតូ នេះប្រហែលជាគ្មានច្បាប់នោះទេ មើលទៅ នឹងក៏មានលោកធំៗដែលមានអំណាចនៅកាងពីក្រោយខ្នងហើយមើលទៅបានជាកន្លងមកធ្លាប់មានអាជ្ញាធរចុះមកបង្ក្រាបដែរ តែមិនបានប៉ុន្មានថ្ងៃក៏ឃើញដំណើរការវិញដោយរលូន ដូចពាក្យចាស់ថា គ្រាន់តែវេកចកតែប៉ុណ្ណោះ។
ដោយឡែកលោក សេង ធី ចៅសង្កាត់វាលវង់ បានប្រាប់អ្នកសារព័ត៌មានតាមទូរស័ព្ទនាថ្ងៃទី ២០ ខែវិច្ឆិកា ឆ្នាំ២០២៤ ថា ទីតាំងខាងលើនោះអាជ្ញាធរធ្លាប់ចុះបង្រា្កប និងធ្លាប់ធ្វើកិច្ចសន្យាច្រើនលើកដែរ។ រីឯលោក រ៉េត នាយករដ្ឋបាល ក៏បានបញ្ជាក់ថា ទីតាំងល្បែងសងខាងលើរដ្ឋបាលខណ្ឌធ្លាប់ចុះបង្រា្កបនិងធ្លាប់ធ្វើកិច្ចសន្យាច្រើនលើកច្រើនសាររួចហើយដែរ ! ពេលនេះបើដឹងច្បាប់លោកនិងជំរាបលោកអភិបាលខណ្ឌចុះបង្ក្រាបទៀតតែសូមឲ្យលោកសារព័ត៌មានចូលរួមជាមួយគ្នាផង។
តាមមាត្រា៤ នៃច្បាប់ស្ដីពីការបង្ក្រាបល្បែងស៊ីសង ចែងថា ជនណាលេងល្បែងស៊ីសង នឹងត្រូវផ្ដន្ទាទោសពិន័យជាប្រាក់ពី ១ម៉ឺនរៀល ដល់ ៥ម៉ឺនរៀល ឬដាក់គុកពីមួយសប្ដាហ៍ទៅមួយខែ។ ករណីមិនរាងចាល ត្រូវផ្ដន្ទាទោសពិន័យជាប្រាក់ពី ៥ម៉ឺនរៀល ដល់ ៥សែនរៀល និងដាក់គុកពី០១(មួយ)ខែ ទៅ០១(មួយ)ឆ្នាំ។ ចំណែកមាត្រា៥ ចែងថា អ្នកបើកកន្លែងលេងល្បែងស៊ីសង អ្នកកាន់កាប់ អ្នកចាត់ចែង និងភ្នាក់ងារស៊ីសង ត្រូវពិន័យប្រាក់ពី ៥លានរៀល ដល់ ២០លានរៀល និងដាក់គុកពី ០១ (មួយ)ឆ្នាំដល់ ៥(ប្រាំ)ឆ្នាំ។
សូមរលឹកថាក្នុងពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិ ជូនមន្ត្រីនគរបាលជាតិ នៃស្នងការដ្ឋាននគរបាលរាជធានីភ្នំពេញ ចំនួន២១រូប
នារសៀលថ្ងៃទី១១ ខែមីនា ឆ្នាំ២០២៤ ឯកឧត្តម ឧត្តមសេនីយ៍ឯក ជួនណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ក៏បានណែនាំឱ្យមន្ត្រីនគរបាលពង្រឹងការគោរពច្បាប់និងជំនាញ និងបានដាក់បទបញ្ជាឱ្យមន្ត្រីនគរបាលការិយាល័យជំនាញ និងអធិការដ្ឋាននគរបាលខណ្ឌទាំង១៤ ត្រូវបង្កើនការប្រុងប្រយ័ត្ន ទប់ស្កាត់បញ្ហាក្មេងទំនើងដែលបង្កអសន្តិសុខតាមផ្លូវសាធារណៈ ការទប់ស្កាត់និងបង្ក្រាបគ្រឿងញៀន ការបង្ក្រាបល្បែងស៊ីសង ឆ្នោតផ្សងសំណាងខុសច្បាប់ បង្ការទប់ស្កាត់ និងបង្ក្រាបអំពើឆក់ លួច គាស់ផ្ទះ និងឱ្យណែនាំសហការជាមួយម្ចាស់បុរីដើម្បីទប់ស្កាត់បញ្ហាបទល្មើសកើតឡើងក្នុងបុរី។
សូមរំលឹកថា សម្តេចតេជោហ៊ុនសែន អតីតនាយករដ្ឋមន្ត្រី កាលពីកាលពីថ្ងៃទី ១៧ ខែកញ្ញា ឆ្នាំ២០២២ កន្លងទៅនេះ បានបង្ហោះសារជាសំឡេងដែលមានរយៈពេលជាង ២១ នាទី នៅលើទំព័រហ្វេសប៊ុកផ្លូវការ ដោយបានបញ្ជាយ៉ាងម៉ឺងម៉ាត់ទៅកាន់មន្ត្រីថ្នាក់ក្រោមជាតិ និងអាជ្ញាធរពាក់ព័ន្ធ ឱ្យបង្ក្រាបឱ្យអស់នូវល្បែងស៊ីសងខុសច្បាប់ ខណៈសកម្មភាពបើកល្បែងស៊ីសង ដែលជ្រកក្រោមស្លាកល្បែងឡូតូ និងមានអាជ្ញាបណ្ណស្របច្បាប់ បានរីករាលដាលនៅតាមហាងកាហ្វេ និងហាងគុយទាវជាដើម។ ជាមួយគ្នានោះសម្តេចក៏បានបញ្ជាអាជ្ញាធរឱ្យបិទហាងរកស៊ីណា ដែលនៅតែបន្តបើកល្បែងស៊ីសងទាំងនោះឱ្យបានជាដាច់ខាត ប្រសិនបើរកឃើញនោះ។ សម្តេចតេជោ ហ៊ុន សែន បានថ្លែងថា៖ «ខ្ញុំគិតថា កន្លែងលេងល្បែងមួយចំនួនមិនមែនមន្ត្រីមូលដ្ឋានមិនដឹងនោះទេ ទាំងកម្លាំងនគរបាល ឬអាវុធហត្ថ ឬមន្ត្រីរដ្ឋបាលរបស់យើង។ ក៏ប៉ុន្តែបញ្ហាស្ថិតនៅត្រង់ថា អស់លោកមានឆន្ទៈធ្វើ ឬមិនធ្វើ ឬក៏កន្លែងនោះជាទីកន្លែងរកប្រាក់របស់អស់ លោក។ នេះជាចំណុច ដែលខ្ញុំគួរតែត្រូវនិយាយដោយ ត្រង់ៗ ទៅកាន់អស់លោកតែម្តង»។ សម្តេចបានសង្កត់ធ្ងន់ថា៖ «ខ្ញុំមិនញញើតដៃជាមួយការដកចេញពីមុខតំណែង ជាមួយអភិបាលខេត្ត ឬអភិបាលរង ឬអភិបាលស្រុក ឬក៏ឋានៈនាយទាហាន នគរបាល អាវុធហត្ថ ចាប់ពីស័ក្កិប្រាំឡើងលើ ខ្ញុំនឹងចេញអនុក្រឹត្យដើម្បីបញ្ចប់ភារកិច្ចចោលតែម្តង»។
ដោយឡែកសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាក៏បានចេញបទបញ្ជា ឲ្យគណៈអភិបាលរាជធានី-ខេត្ត ចាត់វិធានការជាបន្ទាន់នូវការត្រួតពិនិត្យ ល្បែងផ្សងសំណាងនៅតាមមូលដ្ឋាន ក្នុងដែនសមត្ថកិច្ចរបស់ខ្លួនផងដែរតាមរយៈសារជាសំឡេង កាលពី។រសៀលថ្ងៃទី១៤ ខែកុម្ភៈ ឆ្នាំ២០២៤ សម្តេចធិបតី ហ៊ុន ម៉ាណែត បានបញ្ជាដល់ឯកឧត្តម លោកជំទាវ អភិបាលនៃគណៈអភិបាលរាជធានី-ខេត្ត ឲ្យចាត់វិធានការជាបន្ទាន់នូវការត្រួតពិនិត្យល្បែងផ្សងសំណាងនៅតាមមូលដ្ឋាន ក្នុងដែនសមត្ថកិច្ចរបស់ខ្លួន ក្នុងករណីដែលមានបន្តបើកថ្មីថែមទៀត ចាត់វិធានការបិទជាបន្ទាន់។
គួររំលឹកផងដែរថាកាលពីព្រឹកថ្ងៃពុធ ទី២០ ខែ វិច្ឆិកា ឆ្នាំ២០២៤ ត្រូវបានសារព័ត៏មានថ្ងៃ ស្អែក ផ្សាយ១លេខមកហើយនៅការលេងល្បែងទូរហ្គេមបាញ់ត្រី៥ទូរ និងអនឡាញត្នោតឡូត៏ខុសច្បាប់ជ្រោកក្រោម យីហោ«វេទមន្ត អីចធើធេនមុិនវើយដ៏»ស្ថិតក្នុងផ្សារទំនើប សុីធីម៉ល ជាន់ទី២ ក្នុងទឹកដី ខណ្ឌ៧មករា រាជធានីភ្នំពេញ ។
លុះមកដល់ម៉ោងប្រហែល១១.១៥នាទីថ្ងៃ ខែដដែលមានកម្លាំងអធិការរងចំនួន២រូប រួមមេប៉ុស្តីមួយចំនួនទៀតសហការគ្នាបានចុះទៅបង្ក្រាប លេងល្បែងទូរហ្គេមបាញ់ត្រិនិងអនឡាញត្នោតឡូត៏ខុសច្បាប់នៅទីតាំងក្នុងផ្សារទំនើបសុីធីម៉ល ផ្ទុយទៅវិញមិនដឹងមានរឿងអ្វីបានជាអាជ្ញាធររកពុំឃើញមាននៅទូរហេ្គមបាញ់ត្រី៥ទូរនិទូរទស្សន៏អនឡាញសោះ ! ប្រហែលម្ចាស់គ្រប់គ្រងទីតាំងខាងចេះកំបាំងកាយ និងចេះយន័ការពារឬអាគមគាថា បិទបាំងភ្នែកសមត្ថកិច្ចមើលឃើញអញ្ចឹង !
លុះល្ងាចឡើងលោកអធិការ ៧ មករាបានឆាតមកតសមតេឡក្រាមមកអង្គភាពសារព័ត៏មានថ្ងៃ ស្អែក ចេះយករូបភាពចាស់មកផ្សាយ ហើយគំរាមកំហែងថាប្រយ័ត្នម្ចាស់ទីតាំងគេប្ដឹង ចុះផ្សាយបំពាន!
សូមបញ្ជាក់ថាសារព័ត៏មានអង្គភាព ខ្ញំមិនបានបង្ខិតបង្ខំឲ្យលោកអធិការដ្នាននគរបាលខណ្ឌ៧មករា ជុន ប៊ុនណាន មើលឡើយ ! គឺសារព័ត៏មានអង្គភាពរបស់ជាកញ្ចក់ថ្លុះបញ្ចាំងឲ្យប្រជាពលរដ្នមហាជននិងថ្នាក់ដឹកនាំលើៗមើលនៅភាពទន់ខ្សោយ និងអសកម្ម ក្នុងទឹកដីខណ្ឌរបស់លោកសំបូរទៅដោយល្បែងសុីសងគ្រប់ប្រភេទទេ!
អាណាព្យាបាលស្នើសុំឱ្យអាជ្ញាធរមូលដ្ឋានបង្ក្រាបឱ្យមានប្រសិទ្ធភាព ឱ្យដូចភ្លៀងរលឹម ដោយមិនត្រូវចុះអនុវត្តតែមួយឆាវ ប្រៀបដូចភ្លើងចំបើង ដូចកាលពីពេលមុនឡើយ ព្រោះល្បែងស៊ីសងទាំងនេះ គឺជាឫសគល់ ធ្វើឱ្យពលរដ្ឋធ្លាក់ទៅក្នុងស្ថានភាពក្រីក្រ ដែលបណ្ដាលឱ្យប៉ះពាល់ទៅលើសេដ្ឋកិច្ចគ្រួសារ និងឈានដល់ការបង្កឱ្យអសន្តិសុខក្នុងសង្គម៕
