ខេត្តតាកែវ ÷ ការអភិវឌ្ឍន៍និងរីកចម្រើនគ្រប់វិស័យ រួមទាំងការបណ្តាក់ទុន្នប្រទេសនានាលើសកលលោក ក្នុងនោះក្រោមការដឹកនាំរបស់ សម្តេច ហ៊ុន ម៉ាណែត ជានាយករដ្ឋមន្ត្រី អាណត្តិទី៧នេះ ក៏មានការទាញអ្នកវិនិយោគទុននានាមកបណ្តាក់ទុន្នរកស៊ីយ៉ាងច្រើនកុះករ ស្របតាមទីផ្សារសេរីនៅក្នុងព្រះរាជាណាចក្រកម្ពុជាផងដែរ។
ប៉ុន្តែក៏យើងមិនអាចទទួលយកបានដាច់ខាត នូវការវិនិយោគទុន្នក្លែងក្លាយ ដែលប៉ះពាល់ដល់ប្រជាពលរដ្ឋ ក៏ដូចជាខាតបង់ប្រយោជន៍ជារួមចំណូលចូលជាតិរបស់យើងផងដែរ។
ជាក់ស្តែងរោងចក្រផលិតនិងចែកចាយផលិតផលបារីខ្នាតធំ សង្ស័យថា មានភាពមិនប្រក្រតី រួមទាំងរុក្ខជាតិនាំមកផលិតជាថ្នាំ រួមទាំងច្បាប់ទម្លាប់ផងដែរ គឺកំពុងសំងំលាក់ខ្លួនយ៉ាងស្ងៀមស្ងាត់ ដែលមេីលពីខាងក្រៅទៅហាក់ដូចជាអាគារ ឬឃ្លាំងទុកចោល ដោយគ្មានដាក់ផ្លាកយីហោសំគាល់ជារោងចក្រ ឬសិប្បកម្មអ្វីឡើយ? ហាក់បីដូចជាការបន្លំភ្នែកមហាជនឬ ថ្នាក់ដឹកនាំដែលធ្វើដំណើរទៅកំសាន្តនៅតំបន់ភ្នំតាម៉ៅនេះ តែប៉ុណ្ណោះ!!! ឬម្ចាស់មានអ្វីអាថ៌កំបាំង ឬម្យ៉ាងខ្លាចបង់ពន្ធជូនរដ្ឋចូលជាតិបានជាមិនលេីកស្លាកយីហោយ៉ាងដូច្នេះ?
ដែលទីតាំងផលិតនិងបម្លែងរុក្ខជាតិជាថ្មាំនេះ ស្ថិតនៅក្នុងភូមិកណ្តឹងធំ ឃុំកណ្តឹង ស្រុកបាទី ខេត្តតាកែវ។
តាមប្រភពព័ត៌មានពីប្រជាពលរដ្ឋបានឲ្យដឹងថា ÷ ទីតាំងខាងលើនេះជារោងចក្រផលិតនិងនាំចេញផលិតបារី ប៉ុន្តែមិនត្រូវបានដឹងប្រភពនៃប្រភេទថ្នាំ ក៏ដូចជាធាតុនៃការផ្សំដើម្បីបានចេញជាផលិតផលបារីនោះទេ ។
យោងតាមប្រភពព័ត៌មានពីប្រជាពលរដ្ឋបានឱ្យដឹងថា ÷ ទីតាំងផលិតនិងចែកចាយផលិតផលបារី ធាតុផ្សំជាឆ្នាំជក់គឺមានភាពមិនប្រក្រតី រីឯរាល់ការចេញចូលរាល់បុគ្គលិកគឺត្រូវបានរឹតបន្តឹង ដោយទំនិញដែលត្រូវបានដឹកចេញចូលវិញមានមេការ និងមានអ្នកចាំមើលផ្លូវដោយប្រុងប្រយ័ត្នខ្ពស់ជាទីបំផុតផងដែរ។
ប្រជាពលរដ្ឋបានឲ្យដឹងបន្តទៀតថា÷ ក្លិនដែលសាយភាយឧស្ម័នចេញពីឡ រោងចក្រផលិតបារីនេះ គឺធ្វើឲ្យប៉ះពាល់ដល់សុខភាពរបស់ពួកគាត់ជាខ្លាំង ពិសេសដល់កូនៗរបស់ពួកតែម្តង ប្រសិនបើអ្នកដែលមានស្មារតីខ្សោយវិញគឺវិលដួលតែម្តង។
បណ្តាញផ្សព្វផ្សាយយើង បានទំនាក់ទំនងលោក ស្រី សំបូរ មេឃុំកណ្តឹង ដោយលោកមេឃុំ បានអោយដឹងថា÷ អោយសួរខាងរដ្ឋបាលសាលាស្រុកបាទីវិញ។
អង្គភាពព័ត៌មានយើងខ្ញុំបានបន្តសុំផ្តល់កិច្ចសម្ភាសន៍ពី លោក ភួង ឈីម អភិបាលស្រុកបាទី ប៉ុន្តែខាងអង្គភាពពត៌មានយើងទាក់ទងតាមទូរស័ព្ទ 012 802 8×1/ 097 961 07×7 ទូរស័ព្ទមិនចូលសោះគឺទាំងលេខពីរខ្សែនេះ។
តាមការបញ្ជាក់ពីឈ្មោះ ប្រាក់ ដែលជាមេការបានប្រាប់អ្នកសារព័ត៌មានឲ្យដឹងថា÷ ទីតាំងលោកមានច្បាប់អនុញ្ញាត ហើយប្រសិនបើស្ថាប័នអង្គភាពព័ត៌មានចង់សួរនាំ ដែលពាក់ព័ន្ធទៅនឹងការនាំចូលពីសារធាតុផ្សំ ចូលមកការិយាល័យផ្ទាល់មក ប៉ុន្តែក្រោយមក លោក ប្រាក់ គាត់ក្រឡាប់វិញថា ជាសន្តិសុខយាមទ្វារទៅវិញ។
ពាក់ព័ន្ធនឹងរោងចក្រផលិតនិងចែកចាយផលិតផលបារីនេះដែរ អ្នកសារព័ត៌មានបានសុំកិច្ចសម្ភាសន៍ ជាមួយ លោក ម៉ី ផល្លា ប្រធានមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ខេត្តតាកែវ ដោយលោកបានតបវិញថា ÷ សុំអោយសួរ លោក ឃុត ចំរើន ប្រធានការិយាល័យជំនាញ ឧស្សាហកម្ម
បច្ចេកវិទ្យា នវានុវត្តន៍ ដោយលោកបានបព្ជាក់ខ្លីថា ÷រឿងនេះលោកក៏បានដឹងដែរ ក៏ប៉ុន្តែមិនអាចនិយាយអ្វីដែលលើសពីជំនាញបាននោះទេ។
ដោយមិនបង្អង់យូរ អ្នកសារព័ត៌មានយើងក៏បន្តទាក់ទងទៅ លោក ឃុត ចំរើន ប្រធានការិយាល័យជំនាញ ឧស្សាហកម្មបច្ចេកវិទ្យា នវានុវត្តន៍ ដោយលោកបានបព្ជាក់ប្រាប់យេមីងយ៉ាងដូច្នេះថា÷ រោងចក្រផលិតនិងចែកចាយផលិតផលបារី ដែលស្ថិតក្នុងភូមិកណ្តឹងធំ ឃុំកណ្តឹង ស្រុកបាទី ខេត្តតាកែវ នេះ គឺមានចំនួន៤ទីតាំង ផ្សេងៗគ្នាដូចជា÷ ផ្នែកបោះពុម្ព, ផ្នែកវេចខ្ចប់ ជាដើម ប៉ុន្តែគឺរោងចក្រផលិតបារីតែមួយទេ! ហើយចំពោះទាំង៤ទីតាំងនេះទៀតសោត គឺពួកគាត់មានការស្នើសុំការចុះបព្ជីាពីខាងក្រសួងក៏ដូចជាខាងមន្ទីខេត្តតាកែវផងដែរ។
ពាក់ព័ន្ធនឹងបញ្ហាថា ហេតុអ្វីម្ចាស់ទីតាំងទាំងអស់នេះមិនលើកស្លាកយីហោ ? តើប្រភពនៃការនាំចូល(វត្ថុធាតុដើម)ពីខាងប្រទេសណា? សំនួរនេះលោក ឃុត ចំរើន តបវិញថា÷ ខាងជំនាញបានណែនាំពួកគាត់ ជាបន្តបន្ទាប់មកដែរក្នុងការលើកស្លាកឈ្មោះនេះ (យីហោ) ប៉ុន្តែកាលពីខែមុនខាងក្រសួងបានចុះមកណែនាំដែរ ដោយទី១.ក្នុងការលើកស្លាកឈ្មោះ(យីហោ),ទី២.ការនាំចូលវត្ថុធាតុដើមក្នុងការផលិតបារីនេះ ។ លោកបានបន្តទៀតថា÷ ចំពោះការនាំចូលវត្ថុធាតុដើមទៀតសោត គឺថ្មាំជក់នេះដឹកចេញមកពីខេត្តកំពង់ចាម ។
ប្រជាពលរដ្ឋសុំសំណូម ឯកឧត្តម វី សំណាង អភិបាលខេត្តតាកែវ សូមមេត្តាចាត់វិធានការ និងមន្ត្រីជំនាញ ចុះទៅពិនិត្យចំពោះទីតាំងដែលផលិតបារី ដែលសង្ស័យខុសប្រក្រតី និងបណ្តាលឲ្យខូចខាតសុខភាពអ្នកប្រើប្រាស់ ព្រមទាំងស្រាវជ្រាវរកប្រភព តើសារធាតុផ្សំចេញជាថ្មាំជក់នេះ ប្រភពនាំចូលពីប្រទេសណា? តើមានច្បាប់នាំចូលប្រទេសកម្ពុជាត្រឹមត្រូវដែរឬទេ?
ប្រជាពលរដ្ឋលោកមិនប្រឆាំងនិងតវ៉ា ចំពោះឈ្មួញមកអភិវឌ្ឍទេ ក៏ប៉ុន្តែសូមអភិវឌ្ឍ អោយប្រជាពលរដ្ឋលោកមានសុខ និងសុវត្ថិភាពផ្ទាល់ខ្លួនផង ។
ប្រជាពលរដ្ឋក៏សូមសំណូមពរឯកឧត្តម ស សុខា រដ្ឋមន្ត្រីក្រសួងមហាផ្ទៃ សូមមេត្តាចាត់ជំនាញនាយកដ្ឋានពាក់ព័ន្ធ ចំណុះក្រសួង ធ្វើការស៊ីបអង្គេត ពាក់ព័ន្ធករណីជនបរទេសមកធ្វើជំនួញ ក្នុងព្រះរាជាណាចក្រកម្ពុជា តើខ្មែរឬជនបរទេស? ពីសំណាក់ម្ចាស់ទីតាំងរោងចក្រផលិតបារី ដែលសង្ស័យថាខុសប្រក្រតីនេះផង ឯកឧត្តម!!!។
