ខេត្តកំពត ៖ នៅព្រឹកថ្ងៃទី01 ខែឧសភា ឆ្នាំ 2021 ឯកឧត្តម ឯក ឆេងហួត ព្រះរាជអាជ្ញា អមសាលាដំបូងខេត្តកំពត បានដឹកនាំសមាជិក ក្រុមការងារជាច្រើននាក់ រួមមានទី1 លោក ហុក ចិន្ដា មេបញ្ជាការសឹករងខេត្តកំពត ទី2 លោក ជួន សារ៉ា នាយខណ្ឌរដ្ឋបាលព្រៃឈើខេត្ត ទី3 ឯកឩត្តម ប្រាក់ សុវណ្ណ ទី4 ឯកឩត្តម សាំង ស៊ីថន ទី5 លោកចែវ សារ៉េត ទី6 ឯកឩត្តម ហេង សុភី ទី7 មេប៉ុស្តី មេឃុំ មេភូមិ និងស្មៀនឃុំជាច្រើននាក់ បាននាំយកអំណោយទេយ្យទានទៅប្រគេនព្រះសង្ឃគង់ចាំព្រះវស្សានៅវត្តចំនួន3 វត្ត នៅស្រុកទឹកឈូ និងស្រុកដងទង់ ខេត្តកំពត ដែលកំពុងជួបការលំបាកខ្វះខាតស្បៀង រួមមាន ទី1 វត្តស្អាងទឹកជុប (ស្រុកដងទង់) ទី2 វត្តវាលពួត និងទី3 វត្តវន្តសាគរ (ស្រុកទឹកឈូ) ។អំណោយរួមមាន អង្ករចំនួន 2 បាវ មី 6 កេស ទឹកសុទ្ធ 6 កេស ទឹកត្រី ៤យួ ទឹកសាអ៊ីវ 4យួ ត្រីខកំប៉ុង 6 ឡូ និងបច្ច័យ 1 310 000 រៀល (មួយលានសាមសិបមួយម៉ឺនរៀល )ប្រគេនដល់វត្តទឹកជុប (ក្នុងស្រុកដងទង់) ខេត្តកំពត ។ ចំណែក វត្តវាលពួត ទទួលបានអង្ករ 3បាវ មី 7កេស ទឹកក្រូច ត្រីខ ទឹកសុទ្ធ និងបច្ច័យ ចំនួន 1 000 000 រៀល (មួយលានរៀល ) និង
វត្តវន្តសាគរ ទទួលបានអង្ករ 2បាវ មី ត្រីខ ទឹកត្រី ទឹកសុទ្ធ ម៉ាស និងអាកុល ជាច្រើនមុខ ដើម្បីចូលរួមចំណែកទ្រទ្រង់ក្នុងវិស័យព្រះពុទ្ធសាសនា ខណៈដែលជម្ងឺកូវីដ១៩ កំពុងរាតត្បាតវាយលុកលើសកលលោកនិងប្រទេសកម្ពុជាយ៉ាងធ្ងន់ធ្ងរ។
ទន្ទឹមនិងនោះ ឯកឧត្តម ឯក ឆេងហួត ក៏បានអំពាវនាវដល់បងប្អូនប្រជាពលរដ្ឋចូលរួមការពារខ្លួនប្រយុទ្ធប្រឆាំងជម្ងឺកូវីដ១៩ ដោយអនុវត្តតាមវិធានរបស់រាជរដ្ឋាភិបាលគឺ ៣ការពារ និង៣កុំ ឲ្យបានម៉ឹងម៉ាត់និងខ្ជាប់ខ្ជួន ដើម្បីរក្សាសុខភាពរបស់បងប្អូន៕
