ខេត្តកំពង់ធំ ៖ កាលពីវេលាម៉ោង០៤ទៀបភ្លឺឈានចូលថ្ងៃថ្ងៃទី១០ ខែឆ្នូ ឆ្នាំ២០២០ មានករណីគ្រោះថ្នាក់ចរាចរមួយបានកើតឡើងនៅផ្លូវវាងក្រុង ត្រង់កែងចំណុចភូមិតាចរ ឃុំទ្រា ស្រុកស្ទោង ខេត្តកំពង់ធំ។ករណីគ្រោះថ្នាក់ចរាចរណ៍នេះបង្កឡើងដោយខ្លួនឯងមូលហេតុមកពីតៃកុងរថយន្តងងុយដេកពេកលក់មួយភាំងបានចាក់អេតចាយចោលអស់មួយឡានវេអង។
ប្រជាពលរដ្ឋដែលនៅក្នុងហេតុការនោះបានបញ្ជាក់ប្រាប់អ្នកយកព័ត៌មានយើងថា រថយន្តវេអងដែលមានពណ៌សពាក់ស្លាកលេខសៀមរាប3A.26.15 បានធ្វើដំណើរពីទិសខាងលិចទៅទិសខាងកើត លុះមកដល់ចំណុចកើតហេតុរថយន្តត្រូវរេចង្កូតធ្លាក់ពីលើថ្នល់ក្រឡាប់ចាក់អេតចាយចោលពេញមួយឡានតែម្ដង បងប្អូនប្រជាពលរដ្ឋដែលរស់នៅក្នុងឃុំទ្រា បានអះអាងថា កន្លែងផ្លូវអាស៊ានវាងក្រុង នឹងកែងភូមិតាចរ កន្លងមកគឺមានករណីគ្រោះថ្នាក់ចរាចរជាច្រើនលើកច្រើនសារមកហើយ។
ដូច្នេះសូមបងប្អូនប្រជាពលរដ្ឋយើងដែលធ្វើដំណើរតាមផ្លូវជាតិលេខ 6A បើមកដល់ផ្លូវអាស៊ានវាងក្រុងនៅស្រុកស្ទោង សូមមេត្តាមានការប្រុងប្រយ័ត្នផង ព្រោះអីនៅកន្លែងកែងនោះតែងតែគ្រោះថ្នាក់ចរាចរជាច្រើនដងមកហើយ សូមបងប្អូនប្រុងប្រយ័ត្នខ្ពស់រស់បានយូរ បើកបរចេះគោរពច្បាប់ចរាចរទាំងអស់គ្នាទៅវិញទៅមកទើបជាការល្អ៕
