ខេត្តកំពង់ធំ ៖ កាលពីវេលាម៉ោង ១២ និង១០នាទី ថ្ងៃទី២៩ ខែវិច្ឆិកា ឆ្នាំ២០២០ បុរសវ័យចំណាស់មានសតិមិនប្រក្រតីម្នាក់ បានយកដំបងឈើជ្រុង វាយយុវជនម្នាក់ ស្លាប់យ៉ាងអាណោចអាធម ។
ហេតុការណ៍ឃាតកម្មខាងលើនេះកើតឡើងនៅ ភូមិជីអាប់ ឃុំចំណាក្រោម ស្រុកស្ទោង ។
ប្រភពពីកន្លែងកើតហេតុបានឲ្យដឹងថា នៅមុនពេលកើតហេតុជនរងគ្រោះបានទៅអង្គុយតខ្សែរភ្លើងបញ្ចូលអាគុយពីផ្ទាំងសូឡានៅមុខផ្ទះ ស្រាប់តែជនដៃដល់បានកាន់ដំបងឈើជ្រុងដើរចូលមកវាយលើជនរងគ្រោះជាច្រើនដំបងដោយគ្មានមួលហេតុ បណ្ដាលឲ្យដួលផ្កាប់មុខស្លាប់នៅនឹងកន្លែងតែម្ដង ។
សមត្ថកិច្ចបានឲ្យដឹងថា ឃាតកម្មខាងលើនេះបង្កដោយ ជនសង្ស័យឈ្មោះ ឈួន ឆឺយ ភេទប្រុស អាយុ ៦១ ឆ្នាំ ជាមនុស្សមានសតិមិនប្រក្រតី មានទីលំនៅភូមិ ឃុំកើតហេតុ ហើយត្រូវបានឃាត់ខ្លួនក្រោយពេលប្រព្រឹត្តអំពើឃាតកម្មនេះ ។
សមត្ថកិច្ចបានឲ្យដឹងទៀតថា ជនរងគ្រោះ ឈ្មោះ ហ៊ឹម ប៉ូច ភេទប្រុស អាយុ២៧ឆ្នាំ ទីលំនៅភូមិ ឃុំកើតហេតុ ត្រូវជនដៃដល់វាយ បែកលើត្រជៀកខាងស្ដាំចំនួន២កន្លែង និងដាច់ត្រជៀកឆ្វេងជាពីជំរៀក ស្លាប់ភ្លាមៗនៅកន្លែងកើតហេតុ ។
ករណីឃាតកម្មខាងលើនេះកម្លាំងជំនាញនិងប៉ុស្ដិ៍កំពង់កសាងសំណុំរឿតាមនីតិវិធី ។
