អន្តរជាតិ ៖ គិតមកដល់ពេលនេះចំនួនអ្នកស្លាប់ក្នុងហេតុការណ៍ផ្ទុះរោងចក្រគីមី នៅភាគខាងកើតប្រទេសចិន បានកើនឡើងដល់៤៧នាក់ហើយ ខណៈមនុស្សចំនួន៦៤០នាក់ទៀតរងរបួស។នេះបើយោងតាមប្រភពពីសារព័ត៌មាន Reuters។
ទូរទស្សន៍រដ្ឋបាននិយាយថាការផ្ទុះនេះបានកើតឡើងកាលពីថ្ងៃព្រហស្បតិ៍នៅឧទ្យានឧស្សាហកម្ម Chenjiagang នៅទីក្រុង Yancheng ខេត្ត Jiangsu ភាគខាងកើតប្រទេសចិន ហើយអគ្គីន័យត្រូវបានគេបង្ក្រាបនៅម៉ោង ៣ និង ០០ នាទីព្រឹកនៅថ្ងៃសុក្រ។
អ្នករងរបួសចំនួន៦៤០នាក់ត្រូវបានគេនាំទៅកាន់មន្ទីរពេទ្យចំនួន១៦ កន្លែងផ្សេងគ្នា ខណៈសេចក្តីថ្លែងការណ៍បាននិយាយថាក្នុងចំណោមនោះមានមនុស្ស៣២ នាក់រងរបួសធ្ងន់ធ្ងរ៕
