ខេត្តសៀមរាប ៖ ប្រជានេសាទជាលក្ខណៈគ្រួសារបន្តិច បន្តួចមានការព្រួយបារម្ភយ៉ាង ខ្លាំង នៅតាមបឹងទន្លេសាប ស្ថិតនៅក្នុងស្រុកជីក្រែង ខេត្ត សៀមរាបកំពុងមានការកើន បទល្មើសនេសាទខុសច្បាប់ ជាច្រើន ដោយប្រើឧបករណ៍ ខុសច្បាប់រាប់រយនាក់ដែលធ្វើ ឱ្យប៉ះពាល់ដល់ការប្រកបរបរ នេសាទមានលក្ខណៈគ្រួសារ របស់ពួកគាត់ជាយូរឆ្នាំមក ហើយ ។
តាមសេចក្តីរាយការណ៍ អំពីប្រជានេសាទក្នុងស្រុកជីក្រែង បានប្រាប់ឱ្យដឹងថាមាន បទល្មើសកើតឡើងគ្រប់ប្រភេទដូចជាអូសយ៉ាំងកៅអូស ពេញ ចំណុចពេជ្រក្រិ ដល់ ជ្រោយស និងដាក់បររាប់រយ ម៉ែត្រនៅក្នុងតំបន់មាត់ខ្លា កោះក្របី ឃុំអន្លុងសំណ ស្រុក ជីក្រែង និងឡូតិ៍លេខ ៦ និង៧… ៘
ប្រភពពីប្រជានេសាទ បានបន្តថា សកម្មភាពអូស និងដាក់បទល្មើសខាងលើនេះ គឺនេសាទទាំងយប់ថ្ងៃ ដែល មិនអាចលាក់បាំងពីភ្នែក សមត្ថកិច្ចបានឡើយ ។ តែ ទោះបីបទល្មើសខុសច្បាប់ យ៉ាងណាក៏មន្ត្រីជំនាញជលផលគ្រប់គ្រងតំបន់នោះមិន ទប់ស្កាត់ដែរ ។
ប្រជានេសាទបានរិះគន់ ថា មន្ត្រីជំនាញជលផលកំពុង បើកដៃមេឈ្មួញនេសាទខុស ច្បាប់ធំៗកើតឡើង ក្នុងឃុំ អន្លុងសំណ ស្រុកជីក្រែង ខេត្ត សៀមរាបដោយប្រើឧបករណ៍ខុសច្បាប់ហាមឃាត់ ខណៈមានការសង្ស័យថាមន្ត្រី ជំនាញអាចជាប់ពាក់ព័ន្ធ ទទួលលាភសក្ការៈជាថ្នូរនិង ការមិនបង្ក្រាបបទល្មើស ។
ប្រជានេសាទដែលមាន លក្ខណៈគ្រួសារតូចៗសំណូម ពរដល់មន្ត្រីជំនាញអាជ្ញាធរ ក្នុងខេត្តពិនិត្យមើលចំណុច ខាងលើនោះផងចុះ ព្រោះថា ជារៀងរាល់ខែឆ្នាំរាល់បទ ល្មើសនេសាទតែងតែកើត មានឡើងដោយមិនមានការ បង្ក្រាប ព្រោះថា ក្រុម បទ ល្មើសទាំងអស់នោះបានឃុប ឃិតគ្នាត្រូវរ៉ូវគ្នាជាមួយមន្ត្រី ជំនាញប្រចាំនៅទីនោះ និង ផ្តល់ផលលាភសក្ការៈដាក់ ហោប៉ៅប្រព្រឹត្តអំពើពុករលួយ ជាលក្ខណៈប្រព័ន្ធ។
សារព័ត៌មានថ្ងៃស្អែក ពុំ អាចសុំការបំភ្លឺពីមន្ត្រីជំនាញ ជលផលនិងអាជ្ញាធរក្នុងខេត្ត បានទេ ! ចំពោះការត្អូញត្អែរ របស់ប្រជានេសាទ ពីព្រោះពុំ មានលេខទូរស័ព្ទ ប៉ុន្តែរងចាំ ការបកប្រែគ្រប់ពេលវេលា ជានិច្ច ៕
