ខេត្តមណ្ឌលគិរី ៖ បង្គោលដែលគេដាំលើដីរដ្ឋប្រមាណ២០០ដើម ត្រូវសមត្ថកិច្ចជំនាញដកចេញពីព្រំដីដែលបោះខុសច្បាប់តាមបណ្តោយផ្លូវ៩៥ក្នុងឃុំចំនួនពីរ គឺឃុំស្រែហ៊ុយ និងឃុំណងឃីឡឹក ក្នុងស្រុកកោះញែក ខេត្តមណ្ឌលគីរី ។
មន្ត្រីមន្ទីរបរិស្ថានខេត្តបានឲ្យដឹងថា ក្រុមល្បាតសហគមន៍ពូជ្រៃបានសហការចុះល្បាតជាមួយអាជ្ញាធរទាំង៣ភូមិ មន្ត្រីប៉ូលិស បុគ្គលិកអង្គការ និងមន្ត្រីមន្ទីរបរិស្ថាន សរុបចំនួន១៧នាក់។ជាលទ្ធផល ធ្វើការបោះបង្គោលព្រំសហគមន៍បានចំនួន៧ដើម និងដកដើមចេកដែលដាំរំលោភដីសហគមន៍បានចំនួន៦២ដើម ហើយនិងបោះស្លាកចំនួន១និងដើរល្បាតតាមព្រំសហគមន៍បានចម្ងាយ៣គីឡូម៉ែត្រ។
ក្នុងប្រតិបត្តិការខាងលើនេះដោយគិតចាប់ពីថ្ងៃទី៦ដល់ទី៨ខែសីហាឆ្នាំ២០២០ មន្ត្រីឧទ្យានរក្សប្រចាំស្នាក់ការចាស់យ៉ាងសហការជាមួយមន្ត្រីឧទ្យានរក្សប្រចាំស្នាក់ការអូតេនិងអង្គការWWFបានល្បាតដល់ចំណុចជើងភ្នំកៅស៊ូពូរ៉ាប៉េត។ ថែមទាំងបានឃាត់ម៉ូតូកែច្នៃចំនួន២គ្រឿង ឈើបេងចំនួន១០ដុំនិងបន្តការល្បាតដល់ចំណុចផ្លូវអូងេះបានឃាត់ម៉ូតូកែច្នៃចំនួន២គ្រឿង ដែល១គ្រឿងដឹកផ្កាអូគីដេនិង១គ្រឿងទៀតដឹកសត្វឈ្លូសចំនួន១ក្បាល (សត្វឈ្លូសបានដុតបំផ្លាញចោល) ដែលស្ថិតនៅក្នុងភូមិពូរ៉ាប៉េត ឃុំក្រង់តេះ ស្រុកពេជ្រាដា ខេត្តមណ្ឌលគិរី៕
