រាជធានីភ្នំពេញ ៖ នៅម៉ោងជាង១២រំលងអធ្រាត្រឈានចូលថ្ងៃអង្គារ ទី២៨ ខែកក្កដា ឆ្នាំ២០២០នេះ គណបញ្ជាឯកភាពរាជធានីភ្នំពេញ បានចុះបិទក្លិបកំសាន្តមួយកន្លែង យីហោ ហ្គោលឡាញ មានទីតាំងស្ថិតនៅតាមបណ្តោយផ្លូវ១៩៨៦ ស្ថិតក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
ការចុះបិទក្លិបនេះ គឺក្លិបនេះមិនស្តាប់តាមការណែនាំរបស់រាជរដ្ឋាភិបាល ដោយឃាត់មនុស្សប្រុសស្រីរួមទាំងបុគ្គលិក និងអ្នកបើកបន្ទប់ សរុបជិត៣០០នាក់ នាំឡើងលើរថយន្ត ដើម្បីបញ្ជូនទៅស្នងការនគរបាលរាជធានីធានីភ្នំពេញ ដើម្បីសាកសួរ ចាត់ការតាមផ្លូវច្បាប់ ៕
