ខេត្តបាត់ដំបង ៖ បុរសម្នាក់បានបើកត្រាក់ទ័រចូលដីចំការស្វាយមួយកន្លែងបានជាន់មីនតោនរបួសដាច់ជើងម្ខាង កាលពីរសៀលថ្ងៃទី២៧ ខែកក្តដា ឆ្នាំ២០២០ វេលាម៉ោង១៤និង០៥នាទី ស្ថិតនៅត្រង់ចំណុចភូមិតាគ្រក់ ឃុំត្រែង ស្រុករតនមណ្ឌល ខេត្តបាត់ដំបង។
ប្រភពពីសម្ថកិច្ចមូលដ្ធានដែលនៅកន្លែងកើតហេតុបានឲ្យដឹងថា មានករណីត្រាក់ទ័រជាន់ផ្ទុះមីនតោនមួយលើក នៅចំណុចភូមិតាគ្រក់ ឃុំត្រែង ស្រុករតនមណ្ឌល ខេត្តបាត់ដំបង។
សម្ថកិច្ចដដែលបានបញ្ជាក់បន្ថែមទៀតថា ជនរងគ្រោះ ឈ្មោះ ប៉ាក់ រិទ្ធ ភេទប្រុស អាយុ ៣៥ឆ្នាំ ជាអ្នកបើកត្រាក់ទរ័ឆ្លងកាត់ដីចំការស្វាយក៏ត្រូវបានជាន់មីនក្រឡាប់ដាច់ជើងឆ្វេង។ជនរងគ្រោះរស់នៅចំណុចភូមិឃុំកើតហេតុខាងលើ ។ ជនរងគ្រោះបានបើកត្រាក់ទ័រកាត់ដីចំការស្វាយទៅភ្ជួរដូចសព្វមួយដង ទើបតែថ្ងៃនេះមានករណីបែបនេះតែម្តងទៅ។
ក្រោយកើតហេតុរួចជនរងគ្រោះដែលរបួសដាច់ជើងឆ្វេងម្ខាងនោះ ត្រូវបញ្ជូនទៅកាន់មន្ទីរពេទ្យបង្អែកខេត្តបាត់ដំបងនៅរសៀលថ្ងៃដដែលផងដែរ៕
