ខេត្តកំពង់ធំ ៖ មួយរយ:ចុងក្រោយនេះឃើញថាសមត្ថកិច្ចខេត្តកំពង់ធំរួមសហការគ្នាចុះបង្ក្រាប់ល្បែស៊ីសងដូចភ្លៀងរលឹម និងបង្ក្រាប់បានជាបន្តបន្ទាប់ ជាក់ស្ដែងនៅថ្ងៃទី២៣ ខែ កក្កដា ឆ្នាំ២០២០ វេលាម៉ោង២១ និង៥៥នាទី កម្លាំងនគរបាលនៃអធិដ្ឋាននគរបាល
ស្រុកប្រាសាទបល័្លង្គ បង្ក្រាបករណីល្បែងស៊ីសងខុសច្បាប់ ស្ថិតក្នុងភូមិសាស្ត្រស្រុកប្រាសាទបល្ល័ង្ក ខេត្តកំពង់ធំ ។
យោងតាមប្រភពព័ត៌មានពីកម្លាំងជំនាញ បានឲ្យដឹងថា ក្រោមការដឹកនាំបញ្ជាផ្ទាល់ពីលោកឧត្តមសេនីយ៍ទោ អ៊ុក កុសល ស្នងការនគរបាលខេត្តកំពង់ធំ និងដោយមានការសម្របសម្រួលនីតិវិធីពីលោក ស៊ិន វិរ: ព្រះរាជអាជ្ញាអមសាលាដំបូងខេត្តកំពង់ធំ កម្លាំងជំនាញ
នៃអធិការដ្ឋាននគរបាលស្រុកប្រាសាទបល័្លង្គ បានប្រតិបត្តិការបង្ក្រាបករណីល្បែងស៊ីសងខុសច្បាប់ ចំនួន០១ករណី ស្ថិតនៅចំណុចព្រៃអ្នកតាដូនល្អ ក្នុងភូមិស្មោញ ឃុំផាន់ញើម ស្រុកប្រាសាទបល្ល័ង្ក ខេត្តកំពង់ធំ ។
សមត្ថកិច្ចឃាត់ខ្លួនមនុស្សបានចំនួន ០៥ នាក់ស្រី ០២ នាក់ និងដកហូតបានវត្ថុតាងមាន ៖ មេអាប៉ោងចំនួន ០៧ គ្រាប់ ហាន់តោ ០១ ចាន ០១ និងគ្រប ០១ អាគុយចំនួន០១ អំពូលភ្លើង ០១ ទូរស័ព្ទដៃចំនួន ០២គ្រឿង ប្រាក់រៀល ចំនួន ១២០.០០០ រៀល។
ប្រភពព័ត៌មានដដែលបានបន្តឲ្យដឹងថា ករណីខាងលើនេះ សមត្ថកិច្ចបាននាំមនុស្សរួមទាំងវត្ថុតាង មកកាន់អធិការដ្ឋាននគរបាលស្រុកប្រាសាទបល្ល័ង្ក ដើម្បីបំពេញឯកសារតាមនីតិវិធី ៕
