ខេត្តកែប ៖ នៅរសៀលថ្ងៃទី21 ខែមិថុនា ឆ្នាំ2020 វេលាម៉ោង 2និង30នាទី កម្លាំងសមត្ថកិច្ចនៃស្នងការដ្ឋាននគរបាលខេត្តកែប បានចុះបង្ក្រាបសង្វៀនជល់មាន់លួចលាក់មួយកន្លែងនៅភូមិដំណាក់ចង្អើរ សង្កាត់ព្រៃធំ ក្រុងកែប ខេត្តកែប។
សេចក្តីរាយការណ៍មួយបានដឹងថា មុនពេលសមត្ថកិច្ចចុះមកបង្ក្រាបនេះ ដោយសារមានអ្នកកាសែតមួយក្រុម បានរាយការណ៍ទៅសមត្ថកិច្ចខេត្តកែប ឱ្យចុះមកបង្ក្រាបសង្វៀនមាន់នេះតែម្ដង។
សមត្ថកិច្ចខេត្តកែបបានឲ្យដឹងថា ការចុះបង្ក្រាបសង្វៀនជល់មាន់នេះ មិនបានឃាត់ខ្លួនមនុស្សទេ ដោយសារពួកគេដឹងខ្លួនមុន ហើយសមត្ថកិច្ច ប្រមូលបានសម្ភារៈមួយចំនួននៅសៃវៀនជល់មាន់នោះ ៕
