អន្តរជាតិ ៖ នៅវេលាម៉ោង៨ និង៣០នាទី ថ្ងៃទី២០ ខែមិថុនា ឆ្នាំ២០២០ សមត្ថកិច្ចថៃបានធ្វើការឃាត់ខ្លួនជនជាតិថៃ ៣នាក់និងរថយន្ត៣គ្រឿង ដែលជាមធ្យោបាយសម្រាប់ដឹកពលករកម្ពុជាចូលទៅធ្វើការក្នុងប្រទេសថៃដោយខុសច្បាប់ ។ហើយការឃាត់ខ្លួននេះស្ថិតនៅត្រង់ចំណុចស្រុកគោកធ្យូង ក្នុងខេត្តស្រះកែវ ប្រទេសថៃ ក្នុងនោះផងដែរ ក៏មានការឃាត់ខ្លួនពលករកម្ពុជាចំនួន៣១នាក់បន្ថែមទៀត មានស្រីចំនួន១៣នាក់ ប្រុសចំនួន១៨នាក់ ។
បញ្ជាក់ផងដែរថា ពលករកម្ពុជាទាំងអស់នោះគឺធ្វើដំណើរដោយថ្មើរជើង តាមចំណុចភូមិទី១ហៅភូមិណងយ៉ាកែវ និងឆ្លងបន្តរចូលភូមិមួយទៀត ដែលមានឈ្មោះថាភូមិទ័ពសៀម ក្នុងឃុំគោកធ្យូង ស្រុកគោកធ្យូង ខេត្តស្រ:កែវ ។ ក្រោយពីសមត្ថកិច្ចថៃបានធ្វើការឃាត់ខ្លួននិងសួរនាំជនជាតិថៃទាំង៣រូបនោះ នៅចំណុចគោកធ្យូង ហើយជនជាតិថៃនោះក៏បានបំភ្លឺ ប្រាប់សមត្ថកិច្ចថា ពលករកម្ពុជាទាំងអស់នោះគឺពិតជាពួកគេជាអ្នកចាំទទួលយកមកពិតប្រាកដមែន ។ បច្ចុប្បន្ននេះជនជាតិថៃទាំងបីនាក់និងពលករកម្ពុជាទាំងអស់ត្រូវបញ្ជូនបន្តរទៅកាន់ខេត្តស្រះកែវ ប្រទេសថៃ៕
