ខេត្តពោធិ៍សាត់ ៖ ល្ងាចថ្ងៃទី១៩ ឆ្នាំ២០២០ ស្ថិតនៅភូមិរបងរមាស ឃុំបឹងបត់កណ្ដោល ស្រុកបាកាន ខេត្តពោធិ៍សាត់ មានគ្រោះធម្មជាតិធ្លាក់ភ្លៀងលាយឡំខ្យល់កន្ត្រាក់ បណ្ដាលឲ្យរងការខូចខាតផ្ទះសម្បែងចំនួន៣ខ្នង និងរោងសត្វគោ ខ្នងផងដែរ ។
ប្រភពព័ត៌មានពីមូលដ្ឋានកងរាជអាវុធហត្ថស្រុកបាកានប្រាប់ថា ផ្ទះសម្បែងរងការខូចខាតខាងលើ ទី១ ផ្ទះទំហ៊ំ ៣ម៉ែត្រ គុណនឹង ៤ម៉ែត្រ រួមទាំងរោងគោទំហ៊ំ ៥ម្រ៉ែត្រ គុណនឹង ១១ម៉ែត្រ (របើកដំបូលទាំងស្រុង)ម្ចាស់ឈ្មោះ ស៊ូ ធឿន ភេទប្រុស អាយុ ៥២ឆ្នាំ ទី២ ផ្ទះទំហ៊ំ ៦ម៉ែត្រ គុណនឹង ៧ម៉ែត្រ(របើកដំបូលទាំងស្រុង)ម្ចាស់ឈ្មោះ យិន ធី ភេទប្រុស អាយុ ៤០ឆ្នាំ និងទី៣ ផ្ទះទំហ៊ំ ៦ម៉ែត្រ គុណនឹង ៧ម៉ែត្រ និងរោងគោទំហ៊ំ ៦ម៉ែត្រ គុណនឹង ១២ម៉ែត្រ(របើកដំបូលទាំងស្រុង)ម្ចាស់ឈ្មោះ ម៉ុន ពុយ ភេទប្រុស អាយុ ៣០ឆ្នាំ ។
ប្រភពព័ត៌មានមូលដ្ឋានកងរាជអាវុធហត្ថស្រុកបាកានដដែលបន្តទៀតថា នៅវេលាម៉ោងខាងលើមេឃធ្លាក់ភ្លៀងលាយឡំខ្យល់ព្យុះកន្ទ្រាក់យ៉ាងសារហាវ បង្កឲ្យរងការខូចខាតផ្ទះសម្បែង និងរោងសត្វគោដូចបានរាបរបខាងលើ ប៉ុន្តែពុំបង្កការរងរបួសស្នាមដល់មនុស្សសត្វឡើយ ៕
