ខេត្តពោធិ៍សាត់៖ ដោយមានការសម្របសម្រួលពីលោកព្រះរាជអាជ្ញាអមសាលាដំបូងខេត្តពោធិ៍សាត់ លោក វរៈសេនីយ៍ត្រី មេបញ្ជាការមូលដ្ឋានកងរាជអាវុធហត្ថស្រុកវាលវែង ដឹកនាំកម្លាំងចុះបង្រ្កាបបទល្មើសព្រៃឈើ ដោយឃាត់ចាប់រថយន្ត ១គ្រឿងមានផ្ទុកឈើអារ ដើម្បីយកទៅបន្តនីតិវិធី ។
ករណីអាវុធហត្ថបង្រ្កាបរថយន្តផ្ទុកឈើអារខាងលើ ធ្វើឡើងនារសៀលថ្ងៃព្រហស្ប ទី១១ ខែមិថុនា ឆ្នាំ២០២០ ស្ថិតនៅភូមិដីក្រហម ឃុំអន្លង់រាប ស្រុកវាលវែង ខេត្តពោធិ៍សាត់ ។
ប្រភពព័ត៌មានពីកម្លាំងចុះបង្រ្កាបប្រាប់ថា លទ្ធផល កម្លាំងមូលដ្ឋានកងរាជអាវុធហត្ថស្រុកវាលវែង ឃាត់ចាប់យកវត្ថុតាងរថយន្ត ១គ្រឿងម៉ាកហ៊ីយ៉ានដាយ ពណ៏ស លាយលឿង និងខៀវ ពាក់ស្លាកលេខ ភ្នំពេញ 3D 4720 មានផ្ទុកឈើអារប្រភេទលេខ២ ចំនួន ៤២សន្លឹក ស្មើនឹងចំនួន ១,២០០ម៉ែត្រគុណ ចំណែកម្ចាស់គេចខ្លួន បច្ចុប្បន្ន វត្ថុតាងទាំងរថយន្តមានផ្ទុកឈើ ប្រគល់ទទួលជូនមន្រ្តីដែនជំរកសត្វព្រៃភ្នំសំកុស ដើម្បីថែរក្សានិងបន្តនីតិវិធីច្បាប់ ៕
