ខេត្តសៀមរាប ៖ សង្ឃមួយអង្គនាម លួន សុវ៉ាត ដែលត្រូវបានគេស្គាល់ថា ជាសកម្មជនដីធ្លី និងសិទ្ធមនុស្ស ត្រូវបានថេរសភា ខេត្តសៀមរាបសម្រេចផ្សឹក កាលពីថ្ងៃទី០៣ ខែមិថុនា ឆ្នាំ២០២០ ដោយចោទពាក់ព័ន្ធរឿងស្រីញី ។ ការសម្រេចនោះធ្វើឡើងតាមរយៈថេរសភា ខេត្តសៀមរាប លេខ ៤០/១០ ថសខ.សរ ចុះថ្ងៃទី៣ ខែមិថុនា ឆ្នាំ២០២០ ដែលបានសម្រេចថា ប្រកាសផ្សឹកភិក្ខុ លួន សុវ៉ាត គង់មិនអន្ត្រៃយ៍នៅវត្តស្លែងក្នុង ភូមិព្រីង ឃុំជីក្រែង ស្រុកជីក្រែង ខេត្តសៀមរាប ។
យោងតាមព្រះប្រធានថេរសភាខេត្តសៀមរាប បានឲ្យដឹងនៅក្នុងលិខិតមួយថា ភិក្ខុ លួន សុវ៉ាត ដែលគង់មិនអចិន្ត្រៃយ៍នៅវត្តស្លែង ក្នុងភូមិព្រីង ឃុំជីក្រែង ស្រុកជីក្រែង ខេត្តសៀមរាប បានប្រព្រឹត្តខុសវិន័យត្រង់សិក្ខាបទអាបត្តិបរាជិក ។ការសម្រេចនេះ បន្ទាប់ពីរកឃើញសារសម្លេងសន្ទនាមួយ រវាងភិក្ខុ លួន សាវ៉ាត ជាមួយស្ត្រីជាម្ដាយ និងកូនស្រី ដែលជឿថាជារឿងស្នេហាស៊ីជម្រៅ ៕
