ខេត្តកំពង់ធំ ៖ ព្រឹកថ្ងៃទី30 ខែឧសភាឆ្នាំ2020 ស្ថិតនៅភូមិឈូក ឃុំទ្រៀល ស្រុកតាំងគោក ខេត្តកំពង់ធំ ដោយមានការចូលរួមមានឯកឧត្តម សុខ លូ អភិបាលខេត្តកំពង់ធំ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន ឯកឧត្តម ថោង ខុនរដ្ឋមន្រ្តីក្រសួងទេសចរណ៍ ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ ដោយមានការយកចិត្តទុកដាក់ដល់ពលរដ្ឋក្នុងសហគមន៍អួលួ ដែលប្រជាពលរដ្ឋបានស្នើរសុំដីអាស្រ័យផលនៅក្នុងសហគមន៍អួលួចំនួន300ហិចតា ដើម្បីបង្កបង្កើនផលជាលក្ខណះគ្រួសារ។
ថ្លែងក្នុងពិធីសំណេះសំណាល ឯកឧត្តមរដ្ឋមន្រ្តីក្រសួងបរិស្ថាន បានលើកឡើងថា លោកនិងបើកចិត្តអោយទូលាយដើម្បីប្រជាពលរដ្ឋក្នុងសហគមន៍ ធ្វើយ៉ាងណាអោយប្រជាពលរដ្ឋយល់អំពីច្បាប់ និងស្នើសុំអោយប្រជាពលរដ្ឋចងក្រងជាសហគមន៍អោយបានច្បាស់លាស់ពិតប្រាកដ ក្នុងការងាយស្រួលចែកជូនបងប្អូនប្រជាពលរដ្ឋ។
ជាមួយគ្នានោះដែរ ឯកឧត្តមរដ្ឋមន្រ្តីក្រសួងបរិស្ថានបានលើកឡើងថា ដីតំបន់អភិរក្សសត្វខ្សឹបត្រូវចូលរួមថែរក្សាអោយបានគង់វង្សនៅប្រភេទសត្វកម្រ បើអាចចិញ្ចឹម ភ្ញាស់យកកូនមកចិញ្ចឹមជាការល្អ។ លោករដ្ឋមន្រ្តីក៏បានជំរុញអោយពលរដ្ឋក្នុងសហគមន៍ចេះចិញ្ចឹមសត្វ ដើម្បីដោះស្រាយជីវភាពអោយបានសមរម្យនិងត្រូវដោះស្រាយជារួមស្ថិតនៅតំបន់អភិរក្សជាមួយអាជ្ញាធរបរិស្ថាននិងអង្គការដៃគូរ ដើម្បីដោះស្រាយនៅយន្តការជជែកគ្នាក្នុងការវិនិច្ឆ័យអោយបានច្បាស់លាស់ ក្នុងការចែកដីជូនប្រជាពលរដ្ឋអោយមានជីវភាពធូធារ។
ជាបន្តទៀត ឯកឧត្តម ថោង ខុន រដ្ឋមន្រ្តីក្រសួងទេសចរណ៍បានមានប្រសាសន៍បន្ថែមថា បើសហគមន៍មិនទានចុះបញ្ចីត្រូវបង្កើតការបោះឆ្នោតជ្រើសរើសជាប្រធានសហគមន៍ដីដែលមានហើយមិនត្រូវលក់ដូរ បានទឹកហើយអត់ចេះចែកគ្នា ការប្រើប្រាស់ទឹកប្រឡាយធំរដ្ឋជាអ្នកចេញធ្វើយ៉ាងណាចេះចែករំលែកគ្នា ពលរដ្ឋក្នុងសហគមន៍បង្កើតជាទេសចរណ៍ តំបន់ការពារសត្វខ្សឹប នេះជាសម្បត្តិធម្មជាតិ។មិនអោយពលរដ្ឋអត់បាយជាមួយគ្នាផងដែរ។
ឯកឧត្តមបណ្ឌិត ថោង ខុន បាននាំនូវអំណោយជូនពលរដ្ឋចំនួន400គ្រួសាររួមមានក្រមា សារុង ថ្នាំពេទ្យ សាប៊ូលាងដៃ រួមទាំងថវិកាក្នុងម្នាក់ៗចំនួន20000រៀលផងដែរ៕
