ខេត្តកែប ៖ កាលពីថ្ងៃសៅរ៍១៣រោច ខែផល្គុន ឆ្នាំកុរ ឯកស័កពស ២៥៦៣ ត្រូវនឹងថ្ងៃទី២១ ខែមិនា ឆ្នាំ២០២០ មានរឿងរ៉ាវថ្មីៗទៀតហើយ បានកើតឡើងក្នុងទឺកដីអាណាចក្រត្រកូល (សឹង ជុំ ជាកូនប្រុសបង្កើត សឹង គឹម) នៅវេលាម៉ោង១២ថ្ងៃត្រង់ ស្ថិតក្នុងភូមិអង្កោល ឃុំអង្កោល ស្រុកដំណាក់ចង្អើរ ខេត្តកែប ។
បើតាមការរៀបរាប់ពីតៃកុងឡានដីកដីជាច្រើនគ្រឿង ក៏ដូចប្រជាពលរដ្ឋក្នុងភូមិកើតហេតុខាងលើបាននិយាយថា កន្លងមកក៏ដូចមានកើតឡើងនៅថ្ងៃនេះអញ្ចឹង មានក្រុមទំនើងមានឈ្មោះ សឹង ជុំ រួមនឹងក្រុមគ្រួសារនោះ តែងតែយកឡានដាក់បិទផ្លូវក្រាលគ្រួសក្រហមនៅតាមជាប់ធ្នេរសមុទ្រ (មុខផ្ទះរបស់ខ្លួន)ដូចកុងត្រូលជជុះ (នៅពីមុខផ្ទះរបស់ខ្លួន) ដើម្បីកាក់ឡានដឹកដីយកលុយជាប្រចាំថ្ងៃៗ ដោយតម្រូវឲ្យម្ចាស់ឡានដឹកដីបង់លុយក្នុង ១ ឡាន ៣ម៉ឺនទៅ៥ម៉ឺនរៀល បើពុំដូច្នោះទេគឺឈ្មោះ សឹង ជុំ ជាជនខិលខូច ជាបុរសទំនើងក្នុ
រឿងរ៉ាវខាងលើនោះមានកើតឡើងជាយូរឆ្នាំមកហើយមិនដែលឃើញសមត្ថកិច្ចរឺលោកស្រី គឹម ចាន់នី ជាគណៈបញ្ហាស្រុកដំណាក់ចង្អើរ យកភ្នែកមើលដែរ ទោះបីប្រជាពលរដ្ឋបានប្រាប់ រឺក៏អ្នកសារព័ត៌មានយើងទូរស័ព្ទប្រាប់ថា មានករណីនោះបានកើតឡើងថ្មីៗក៏ដោយ ក៏លោកស្រី គឹម ចាន់នី ជាអភិបាលស្រុករូបនោះនៅតែប្រកែកថាមិនមានករណីយកឡានបិទផ្លូវសាធារណៈយកលុយនោះទេ ។ នេះបើតាមការបញ្ជាក់ប្រាប់គេហទំព័រយើងនៅថ្ងៃសៅរ៍ពីម្សិលមិញ ។
បងប្អូនប្រជាពលរដ្ឋជាច្រើនក៏ដូចជាតៃកុងឡានដឹកដីទាំងឡាយនឹងរង់ចាំមើលលោកស្នងការនរគបាលខេត្តកែប នឹងឯកឧត្តមអភិបាលខេត្តកែប មានវិធានការយ៉ាងណាដែរទៅលើក្រុមត្រកូល សឹង (ជនទំនើងយកឡានបិទផ្លូវសាធារណះមិនឲ្យគេបើកបរ (ឈ្មោះ សឹង ជុំ) ចំពោះច្បាប់យ៉ាងណាដែរ នឹងសម្ដេចក្រឡាហោម ស ខេង ជារដ្ឋមន្រី្តក្រសួងមហាផ្ទៃមានការស្ដីបន្ទាសដល់អាជ្ញាធរថ្នាក់ក្រោមយ៉ាងណាដែរ ហេតុអីបានជាមានក្រុមទំនើងនឹងបក្សពួកឈ្មោះ សឹង ជុំ បង្កភាពអាណធិបេតយ្យអុកឡុកដល់សង្គមជាតិដូច្នោះ ។
បើតាមការរៀបរាប់ដដែលៗអំពីប្រជាពលរដ្នរស់នៅក្នុងភូមិកើតហេតុខាងលើនៅតែនិយាយៗថា ជនទំនើងឈ្មោះ សឹង ជុំ ខាងលើនោះដោយមានបក្សពួកអាងខ្សែខ្នងលោកស្រី គឹម ចាន់នី ជាអភិបាលស្រុកដំណាក់ចង្អើរ នៅពីក្រោយឈរជាខ្នងបង្អែកដ៏រឹងមាំ ហេតុដូច្នេះបានជាក្រុមគ្រួសារឈ្មោះ សឹង ជុំ ហ៊ានថ្លើមធំប្រព្រឹត្តអំពើខុសច្បាប់ក្នុងសង្គមជាតិគួរឲ្យស្អប់ខ្ពើមយ៉ាងនេះ បើមានរឿងអីកើតឡើងក៏ដោយគឺក្រុមគ្រួសារ សឹង គឹម នឹងកូន សឹង ជុំ ទូរស័ព្ទទៅសួរអាជ្ញាធរស្រុកមុនគេ ព្រោះអីនេះជាខ្សែខ្នងរបស់ត្រកូល( សឹងគឺម និង សឹងជុំ) ។
ប្រជាពលរដ្ឋក្នុងឃុំអង្កោលនឹងរង់ចាំមើលបើថ្នាក់លើដឹងបានលឺហើយនឹងទុកឲ្យក្រុមអាណាធិបតេយ្យអុកឡុកក្នុងសង្គមរឺយ៉ាងណាដែរ ?៕
