ខេត្តព្រះសីហនុ ៖ បញ្ហាដីធ្លី ទំនាស់គ្នារវាងប្រជាពលរដ្ឋ និងអស់លោកអ្នកមានអំណាច បុណ្យស័ក្តិទឹកលុយទឹកប្រាក់ បានរួមដៃគ្នាជាមួយមន្ត្រីរដ្ឋបាលព្រៃឈើខេត្ត ដែលកើត ឡើងម្តងទៀត ហើយនៅ តំបន់អូរត្រេះ ពយម៉ាចូវ ស្ថិត នៅភូមិគគី ឃុំបិតត្រាំង ស្រុក ព្រៃនប់ ខេត្តព្រះសីហនុ ។
រឿងរ៉ាវវិវាទដីធ្លីនេះ អ្នក មានទឹកលុយក្នុងខេត្តរួមទាំង មន្ត្រីជំនាញរដ្ឋបាលព្រៃឈើ ខ្លាចអំណាចបុគ្គលម្នាក់នេះ នៅតែបន្តកាប់រានទន្ទ្រានយក ដីព្រៃឈើរបស់រដ្ឋរាប់រយ ហិកតា ធ្វើជាកម្មសិទ្ធិស្រប ច្បាប់និងធ្វើរបងហ៊ុំព័ទ្ធយកដី ព្រៃទាំងនោះចែកគ្នា បាន យ៉ាងរលូនអាជ្ញាធរខេត្តធ្វើ មិនដឹងមិនឮព្រោះដីធ្លីកន្លែង នោះមានតម្លៃកប់ពពក ។
បើតាមប្រជាពលរដ្ឋមាន ទំនាស់ដីធ្លីបានរៀបរាប់ថា អ្នកដែលរំលោភដីធ្លីពួកគាត់ ថែមទាំងកាប់ទន្ទ្រានដីរបស់ រដ្ឋរាប់រយហិកតា គឺលោក ញ៉ក់ គឹមតុង បានបង្កបង្កើត ក្រុមអនាធិបតេយ្យមួយក្រុម ឱ្យចុះកាប់ទន្ទ្រានយកដីព្រៃ របស់រដ្ឋដែលគ្រប់គ្រងដោយ អាជ្ញាធរខេត្តនិងជំនាញរដ្ឋបាលព្រៃឈើខេត្ត ។
លោកនោះឈ្មោះ ញ៉ក់ គឹមតុង នៅពីក្រោយខ្នងនៃ ការកាប់ដីធ្លីទន្ទ្រានយកដីព្រៃ ឈើរបស់រដ្ឋរាប់ រយហិកតា ហើយក៏លោក ញ៉ក់ គឹមតុង ធ្វើទៅជាទិញដូរពីសំណាក់ ប្រជាពលរដ្ឋទៅវិញ ។
ចំណែកឯន្ត្រីជំនាញរដ្ឋបាលព្រៃឈើប្រចាំការនៅ តំបន់ពយម៉ាចូវ មិនទៅចាប់ អ្នកកាប់ទន្ទ្រានដីព្រៃឈើធ្វើ ជាមិនដឹងរឿងអ្វីទាំងអស់ ការកាប់ដីទន្ទ្រានដីព្រៃឈើ កំពុងវិនាសហិនហោចក៏ដោយ សារមន្ត្រីជំនាញខេត្តអ្នកគ្រប់ គ្រងបើកភ្លើងខៀវអាចមាន ចំណែកពាក់ព័ន្ធជាមួយលោក កំពុងតែកាប់បំផ្លាញដីព្រៃ ឈើរបស់រដ្ឋរាប់រយហិកតា (ហៅថាក្រុមបំផ្លាញដីព្រៃ ឈើគឺពួកអ្នកបំផ្លាញជាតិ) ។
ដីព្រៃឈើខាងលើនោះ កន្លងមកទំនាស់គ្នារហូតដល់ មានការកាប់ចាក់គ្នាទៅវិញ ទៅមករហូតដល់ការស្លាប់ ក្រុមអនាធិបតេយ្យ ១ម្នាក់ នៅ អំឡុងពាក់កណ្តាលឆ្នាំ២០១៦ ពេលនោះសាលាខេត្តព្រះសីហនុក៏បានបង្កើតក្រុមចម្រុះ មួយក្រុម ដឹកនាំដោយលោក ស្រ៊ន ស្រ៊ន ជាអភិបាលរងខេត្ត ព្រះសីហនុ ។
ក្រុមកម្លាំងចម្រុះរួមមាន រដ្ឋបាលព្រៃឈើ កងរាជអាវុធ ហត្ថខេត្ត,នគរបាល-យោធា ខេត្ត និងមន្ត្រីសាលាខេត្តជា ច្រើននាក់ទៀត ។ ផ្ទុយទៅ វិញ ក្រុមចម្រុះទាំងនោះ បែរ ជាមកការពារឱ្យលោក ញ៉ក់ គឹមតុង សាងសង់ផ្ទះធ្វើរបង ថ្មហ៊ុំព័ទ្ធយកដីព្រៃឈើកាប់ ទន្ទ្រានរបស់រដ្ឋទាំងអស់នោះ ជាកម្មសិទ្ធិផ្ទាល់ខ្លួននឹងពុះ ឡូតិ៍លក់ទៅវិញ ។
សព្វថ្ងៃតំបន់ពយម៉ាចូវ លោក ញ៉ក់ គឹមតុង ចាបងធំ ចាត់ចែងរៀបចំដីព្រៃឈើពុះ ឡូតិ៍លក់ដីបានយ៉ាងងាយ ស្រួល ព្រោះគ្មានមន្ត្រីជំនាញ រដ្ឋបាលព្រៃឈើនិងអាជ្ញាធរ ស្រុក-ក្រុង ខេត្តណាហ៊ាន ក្អកឡើយ ។ តែក្រុមចម្រុះ ទាំងនោះជាក្រុមកងការពារ របស់ពួកគាត់ទៅហើយនោះ ។ ចំពោះផលប្រយោជន៍វិញ ប្រជាពលរដ្ឋជឿជាក់ថា បើ សិនប្រធានក្រុមការងារចម្រុះ ដែលគ្រប់គ្រងនៅតំបន់មិន ទទួលបានផលទេ ប្រហែល ជាលោក ញ៉ក់ គឹមតុង បាន ចូលទៅដេកអានកាសែតបាត់ ទៅហើយ ។
លោក ឌី សុខុម នាយ ខណ្ឌរដ្ឋបាលព្រៃឈើខេត្ត ព្រះសីហនុបានបំភ្លឺត្រួសៗប្រាប់ សារព័ត៌មានថ្ងៃស្អែកថារាល់ កិច្ចឆ្លើយឆ្លងជាមួយអ្នកសារ ព័ត៌មានខេត្ត មានគោលការ ណ៍មួយអ្នកសារព័ត៌មានក្រៅ ខេត្ត លុះត្រាណាមានលិខិត ចេញពីមន្ទីរព័ត៌មានខេត្ត ហើយជូបមុខគ្នាទើបឆ្លើយ បាន… ! យើងគ្រាន់តែជួប គ្នាតាមទូរស័ព្ទយើងមិនបាន ជួបមុខគ្នា មិនអាចឆ្លើយបាន ទេ នៅវេលាម៉ោង ២ ៖៣០ នាទី នាថ្ងៃអង្គារ ទី ១៦ ខែ មករា ឆ្នាំ២០១៨ ។
សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជា ណាចក្រកម្ពុជាពិធីជួបជុំ លើកទី២ជាមួយក្រុមអ្នកសារ ព័ត៌មាន ក្នុងស្រុកនៅមជ្ឈមណ្ឌលសន្និបាតនិងពិព័រណ៍ កោះពេជ្រ នៅថ្ងៃអាទិត្យ ៥ កើត ខែមាឃ ឆ្នាំរកា នព្វ ស័ក ព.ស ២៥៦១ រាជធានី ភ្នំពេញ ថ្ងៃទី ២១ ខែមករា ឆ្នាំ២០១៨បានក្រើនរំលឹកទៅ អ្នកនាំពាក្យបណ្តាខេត្ត-ក្រុង ចេះសហការគ្នាល្អជាមួយអ្នក សារព័ត៌មានធ្វើការងារទើប ជាការប្រសើរ ៕
