អន្តរជាតិ ៖ នៅថ្ងៃទី៣ ខែមីនា ឆ្នាំ២០២០នេះ ប្រធានាធិបតីកូរ៉េខាងត្បូង លោក ម៉ូន ចេអ៊ីន បានប្រកាសធ្វើសង្គ្រាមប្រឆាំងនឹងវីរុសកូរ៉ូណាថ្មី COVID-19 ខណៈប្រទេសនេះ មានករណីឆ្លងជំងឺដល់ជិត ៥ពាន់នាក់ហើយ។
ថ្លែងនៅក្នុងកិច្ចប្រជុំគណៈរដ្ឋមន្ត្រី លោក ម៉ូន ចេអ៊ីន បានប្រកាសផែនការចាក់បញ្ជូលថវិកាប្រមាណ ២៥ពាន់លានដុល្លារ ដើម្បីឆ្លើយតបនឹងវីរុសកូរ៉ូណាថ្មីនេះ។ នេះបើយោតាងសារព័ត៌មាន CGTN។
សូមជម្រាបថា អាជ្ញាធរកូរ៉េខាងត្បូងនៅព្រឹកថ្ងៃអង្គារនេះបានចេញរបាយការណ៍ថ្មីមួយដោយបញ្ជាក់ថា ចំនួនអ្នកឆ្លងវីរុសកូរ៉ូណាថ្មី ឬ COVID-19 នៅទូទាំងប្រទេសបានកើនឡើងដល់ ៤,៨១២ករណី ក្រោយ ៦០០ករណីថ្មីៗទៀតត្រូវបានរាប់បញ្ចូល និងអ្នកជំងឺ២៨នាក់ស្លាប់។
បើតាមអាជ្ញាធរបានអះអាងថា ៦០{4a6de7b8dce5f2ddf01096156ed84b79f5f03d23434eae786fc7efa79d81e2d1}ក្នុងចំណោមករណីឆ្លងទាំងអស់ នៅទូទាំងប្រទេសកូរ៉េខាងត្បូង គឺមានពាក់ព័ន្ធទៅនឹងព្រះវិហារគ្រិស្ត ស៊ីនជុនជី (Shincheonji) ស្ថិតនៅក្នុងទីក្រុង Daegu ភាគអាគ្នេយ៍ប្រទេសកូរ៉េខាងត្បូង ដែលមានប្រជាជនរស់នៅ ២.៥លាននាក់ និងស្ថិតនៅចម្ងាយ ៣០០គីឡូម៉ែត្រពីរដ្ឋធានីសេអ៊ូល៕
