ខេត្តព្រះសីហនុ ៖ មានករណីគ្រោះថ្នាក់ចរាចរណ៍មួយបានកើតឡើង កាលពីវេលាម៉ោងជិត១រសៀល ថ្ងៃទី២៥ ខែកុម្ភ: ឆ្នាំ២០១៩ ខណៈដែលរថយន្តមួយគ្រឿងបើកធ្លាក់ផ្លូវ នៅចន្លោះគីឡូម៉ែត្រ១៦៨-១៦៩ ស្ថិតក្នុងភូមិតាពៅ ឃុំតានៃ ស្រុកព្រៃនប់ ខេត្តព្រះសីហនុ។
តាមសមត្ថកិច្ច បានបញ្ជាក់ថា មកដល់ចំណុចខាងលើ រថយន្តនេះ បានគេចរថយន្តមួយគ្រឿងទៀត ក៏បានជ្រុលចង្កូតធ្លាក់ទៅខាងស្តាំដៃ បណ្តាលឲ្យអ្នកបើកបររងរបួសធ្ងន់តែម្តង ។
រថយន្តខាងលើ ម៉ាកទីតាន់ ពណ៌ស ពាក់ស្លាកលេខ កោះកុង 2A-0013 បើកបរដោយឈ្មោះ នាង ហេង ភេទប្រុស មុខបរបើកបរ អាយុ ៣២ឆ្នាំ មានទីលំនៅ ឃុំស្រែអំបិល ស្រុកស្រែអំបិល ខេត្តកោះកុង ធ្វើដំណើរពីខេត្តព្រះសីហនុទៅភ្នំពេញ ។
ផ្លូវជាតិលេខ៤កើតមានគ្រោះថ្នាក់ជាញឹកញាប់ ដូច្នេះអ្នកបើលបរត្រូវប្រុងប្រយត្ន័និងគោរពច្បាប់ចរាចរណ៏៕
