ខេត្តកណ្តាល ៖ តាមប្រភព ព័ត៌មានច្បាស់ការណ៍ចេញ អំពីមហាជនជាច្រើននាក់ ដែលមានឈ្មោះទៅប្រឡង យកប័ណ្ណបើកបរនៅមន្ទីរ សាធារណការនិងដឹកជញ្ជូន ខេត្តកណ្តាល ទាំងស្រីទាំង ប្រុសបាននាំគ្នារិះគន់ថាលោក ប្រធានមន្ទីរសាធារណការ និងដឹកជញ្ជូនខេត្តកណ្តាល បានបើកដៃឱ្យកូនចៅក្រោម ឱវាទនិងអ្នកគ្រប់គ្រងសាលា រៀនបើកបរ ដៃពិតមានជ័យ នាំគ្នាទារប្រាក់ ១៥ដុល្លារទៅ ២០ដុល្លារ អំពីអ្នកដែលមាន ឈ្មោះមកប្រឡងបើកបរនៅ ក្នុងមន្ទីរជាការសូកប៉ាន់ជា ច្រើនកន្លែងបញ្ជាចរាចរណ៍ ម្យ៉ាងវិញទៀតមន្ត្រីដែលរត់ ឯកសារអ្នកដែលមកប្រឡង បើកបរបើឱ្យពួកមន្ត្រីរត់ការ នោះ ចាប់ពី ១៥ដុល្លារ ទៅ ២០ដុល្លារ គឺជាប់ហើយនេះ ជាសំដីអ្នកការ ។
មានអ្នកបានឱ្យលុយនៅ មន្ទីររួចហើយ ! ពេលទៅ ប្រឡងដៃចង្កូត នៅក្នុងការ ដ្ឋានជួសជុលម្តងទៀត ត្រូវ លោកគ្រូបង្រៀនដៃចង្កូត តម្រូវឱ្យបង់លុយពី ១០ដុល្លារ ទៅ ២០ដុល្លារបន្ថែមទៀត។ បើពុំដូច្នោះលោកគ្រូបង្រៀន ដៃចង្កូតមិនឱ្យជាប់ឡើយ បើ សិនបានលុយពីអ្នកដែលបាន មកប្រឡងដូចការកំណត់ របស់លោកគ្រូបង្រៀនបើកបរ ដៃចង្កូត គឺជាប់ដោយស្វ័យ ប្រវត្តិមានអ្នកខ្លះមន្ត្រីពុករលួយមួយក្តាប់តូច នៅក្នុង ទីនោះជាអ្នករត់ការបើកឱ្យ ពួកគេទារប្រាក់ ១០ដុល្លារ ទៅ ២០ដុល្លារមិន ចាំបាច់ ឡើងរៀនបើកបរទេ ! គឺទៅ ផ្ទះវិញទៅរងចាំតែទទួល ប័ណ្ណបើកបរពីសាលាដែល យើងមករៀនជាការស្រេច ។
ប្រជាពលរដ្ឋ ដែលមក ប្រឡងយកប័ណ្ណបើកបរជា ច្រើននាក់សុខចិត្តមកប្រឡង យកប័ណ្ណបើកបរជាលើកទីពីរ មិនចង់ប្រឡងមិនជាប់ បែជា បានប័ណ្ណបើកបរក្នុងការសូក ប៉ាន់លុយកាក់តែខ្លួនឯងមិន ចេះនោះឡើយ ។
អ្នកបានមកប្រឡងយក ប័ណ្ណបើកបរនៅមន្ទីរសាធារណការ និងដឹកជញ្ជូនខេត្ត កណ្តាលបាននាំគ្នានិយាយត គ្នាពីមាត់មួយទៅមាត់មួយ ថា បើសិនគ្មានការបើកភ្លើង ខៀវអំពីលោកប្រធានមន្ទីរក៏ មន្ត្រីក្រោមឱវាទ និងលោក នាយកគ្រប់គ្រងសាលារៀន បើកបរដៃពិតមានជ័យនិង សាលាផ្សេងទៀត មិនហ៊ាន ប្រព្រឹត្តអំពើពុករលួយនៅក្នុង មន្ទីរសាធារណការជាយូរ យាឆ្នាំ បែរជាលោក ម៉ឹង យូ ឡេង ប្រធានមន្ទីរមើលរំលង ទៅវិញ បើតាមមន្ត្រីតូចតាច ក្នុងមន្ទីរបានលួចប្រាប់ថា អ្នក ដែលបានមកប្រឡងយកប័ណ្ណ បើកបរក្នុងមួយថ្ងៃៗមួយវគ្គ ចំនួនសិស្សចូលរួមប្រឡង ៦០នាក់ ទៅ ៧០នាក់ ។
ប្រជាពលរដ្ឋ និងសិស្ស ដែលបានរៀនបើកបរយក ប័ណ្ណបើកបរនៅក្នុងមន្ទីរ សាធារណការនិងដឹកជញ្ជូន ខេត្តកណ្តាល ស្នើទៅលោក ម៉ឹង យូឡេង លុបបំបាត់នូវ ការមានសូកប៉ាន់ប្រាក់ឬពុក រលួយជាលក្ខណៈប្រព័ន្ធនៅ ក្នុងមន្ទីរ ដែលមានច្រើនកន្លែង ព្រោះសិស្សដែលបានទៅ ប្រឡងយកប័ណ្ណបើកបរមុន ចូលមន្ទីរបានឃើញពាក្យ ស្លាកជាច្រើនផ្ទាំងសរសេរ នៅមុខផ្លូវ ចូលមន្ទីរថា គ្មាន ការសូកប៉ាន់ប្រាក់និងបង់ប្រាក់ ក្រៅសេវានោះឡើយ ។
ប្រជាពលរដ្ឋធ្វើដំណើរ តាមដងផ្លូវជាតិលេខ ២ ជា រៀងរាល់ថ្ងៃបាននាំគ្នារិះគន់ ទៅលើមន្ត្រីសាធារណការ ដែលបានដាក់ជញ្ជីងត្រួតពិនិត្យ រថយន្តដឹកលើសទម្ងន់កំណត់ ត្រង់ចំណុចសៀមរាបកន្ទួត ស្ថិតនៅភូមិក្រសាំង ឃុំជើង កើប ស្រុកកណ្តាលស្ទឹង ខេត្ត កណ្តាល ។
ពួកគាត់សង្កេតឃើញរថ យន្តដឹកដីជាច្រើនបានធ្វើចរាចរណ៍លើតាមដងផ្លូវជាតិ លេខ ២ កំពុងបើកឆ្លងកាត់ ប៉ុស្តិ៍ត្រួតពិនិត្យរថយន្តដឹកលើស ទម្ងន់កំណត់គ្រប់ប្រភេទចុះ ហេតុអ្វីបានជាមន្ត្រីឈរជើង ដាក់ប៉ុស្តិ៍ត្រួតពិនិត្យនោះ មិន ឱ្យរថយន្តដឹកដីខ្សាច់និងថ្មតូច ឬធំទាំងអស់នោះចូលថ្លឹងឱ្យ បានស្មើគ្នាដូចរថយន្តដឹកដែក ទំនិញនិងរថយន្តដឹកស៊ីម៉ង់ត៍ ដែរទៅ ។ ម្យ៉ាងវិញ ទៀត ពួកគាត់ឃើញរថយន្តដឹកដី និងខ្សាច់តូចឬធំរាប់រយគ្រឿង បើកឆ្លងកាត់ជញ្ជូនទាំងនោះ មិនត្រូវបានចូលថ្លឹងនោះ ឡើយ ។
និយាយឱ្យចំតែម្តងរថយន្ត ដឹកដីនិងខ្សាច់មួយចំនួនៗសុទ្ធ សឹងតែផ្ទុកលើសទម្ងន់កំណត់ ស្ពានដែកជាច្រើនកន្លែងនៅ តាមផ្លូវជាតិលេខ២ ពេលនេះ កំពុងរងការបាក់ស្រុតជាច្រើន ស្ពានបណ្តាលឱ្យអ្នកធ្វើដំណើរ តាមផ្លូវធុញទ្រាន់យ៉ាងខ្លាំង ហើយបើនិយាយផ្លាកសញ្ញា ដាក់កំណត់ទម្ងន់រថយន្តត្រូវ បានគេដោះចេញចោលស្ទើរ ទាំងអស់គ្មានសេសសល់អ្វីទេ ងាយស្រួលទៅដល់រថយន្តដឹក ផ្សេងៗបើនិយាយផ្លាកសញ្ញា ទម្ងន់កំណត់ដែលដាក់ក្បាល ស្ពាននីមួយៗកំណត់តែ ១៥ តោន ទៅ ២០តោនតើឡាន និងខ្សាច់នោះបានផ្ទុកលើស ប៉ុន្មានតោនដែរ ?
សម្តេចតេជោ ហ៊ុន សែន នាយករដ្ឋមន្ត្រី និងជាប្រមុខ រាជរដ្ឋាភិបាលបានកំណត់ខិត ខំយ៉ាងខ្លាំងក្លា រួមជាមួយ ក្រសួងសាធារណការនិងដឹក ជញ្ជូន ដើម្បីស្ថាបនាផ្លូវថ្នល់ ជាតិផ្លូវលំនៅគ្រប់បណ្តាខេត្ត ក្រុង រាជធានីទូទាំងប្រទេស កម្ពុជាងាយស្រួលធ្វើដំណើរ ទៅវិញទៅមក ។ ប៉ុន្តែពេល នេះត្រូវបានរថយន្តមេឈ្មួញ ក្រុមតូចឬធំៗបានរួមឃុបឃិត គ្នាជាមួយក្រុមត្រួតពិនិត្យដឹក លើសទម្ងន់កំណត់ដាក់តាម គោលដៅចំណុចសៀមរាប កន្ទូត ភូមិក្រសាំង ឃុំជើង កើប ស្រុកកណ្តាលស្ទឹង ខេត្ត កណ្តាលបំផ្លិចបំផ្លាញស្ពាន ទ្រុឌទ្រោមបាក់និងផ្លូវជាតិ ស្រុតជាច្រើនកន្លែង ។
សារព័ត៌មានថ្ងៃស្អែក ទាក់ទងទៅលោក ម៉ឹង យូឡេ ជាប្រធានមន្ទីរសាធារណការ និងដឹកជញ្ជូនខេត្តកណ្តាល ប៉ុន្តែទូរស័ព្ទមិនមានការទំនាក់ ទំនងបំភ្លឺបានចំពោះករណី បានកើតឡើងនូវចំណុចខាង លើនោះបានឡើយ ។ ដោយ គិតត្រូវថ្ងៃអង្គារ ទី ២៣ ខែ មករា ឆ្នាំ២០១៨ លេខក្រោយ សារព័ត៌មានយើងនិងព្យាយាម ជួបជាមិនខានឡើយ ៕
ដោយ ៖ ថ្ងៃស្អែក
