រាជធានីភ្នំពេញ ៖ កាលពីវេលាម៉ោង២យប់រំលងអធ្រាត្រ ឈានចូលថ្ងៃទី០៩ ខែកុម្ភ: ឆ្នាំ២០២០ សមត្ថកិច្ចឆ្មក់ចុះបង្ក្រាបមណ្ឌលកម្សាន្ត ផ្លាយ FLY ស្ថិតនៅតាមបណ្ដោយផ្លូវជាតិលេខ៦ ក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ បានឃាត់ខ្លួនមនុស្សប្រុសស្រីចំនួន៧០នាក់ (ក្នុងនោះមានទាំងបុគ្គលិក១៨នាក់ ) រួមទាំងវត្ថុតាងគ្រឿងញៀន និងឧបករណ៍ពាក់ព័ន្ធជាច្រើនទៀត ។
មន្ត្រីនគរបាលបានបញ្ជាក់ថា មុនឈានដល់ការចុះប្រតិបត្តិការខាងលើនេះ កម្លាំងសមត្ថកិច្ចជំនាញ បានធ្វើការស្រាវជ្រាវ ស៊ើបអង្កេតយ៉ាងយកចិត្តទុកដាក់រហូតបានកំណត់ថា ទីតាំងមណ្ឌលកម្សាន្ត ផ្លាយ FLY ស្ថិតនៅតាបណ្ដោយផ្លូវជាតិលេខ៦ សង្កាត់/ខណ្ឌជ្រោយចង្វារ មានប្រើប្រាស់ថ្នាំក្រវី និងសារធាតុញៀន តាមបន្ទប់នីមួយៗ ។
ប្រតិបត្តិការនោះ សមត្ថកិច្ច បានធ្វើការឃាត់ខ្លួនមនុស្សសរុបចំនួន៧០នាក់ រួមមានបុគ្គលិកប្រុសស្រីចំនួន១៨នាក់ ភ្ញៀវប្រុសចំនួន៣៤នាក់ និងភ្ញៀវស្រីចំនួន១៨នាក់ រួមទាំងសារធាតុញៀនជាច្រើនកញ្ចប់ ឧបករណ៍សម្រាប់ប្រើប្រាស់មួយចំនួនថែមទៀត ៕
