ខេត្តកំពង់ធំ ៖ នៅថ្ងៃទី២១ ខែវិច្ឆិកា ឆ្នាំ២០១៩ ឯកឧត្តម សុខ លូ អភិបាលនៃគណៈអភិបាលខេត្តកំពង់ធំ អញ្ជើញជាអិបតីក្នុងកម្មវិធីចែកគ្រាប់ពូជ សណ្ដែកបាយ១១.០៥០គីឡូក្រាម និងពូជកូនស្វាយចន្ទី ៨៩.៧០០ដើម ដល់សប្បទានិកចំនួន៥៥៩គ្រួសារ ដែលរស់នៅលើដីសង្គមកិច្ច និងការអភិវឌ្ឍ សេដ្ឋកិច្ចជំហាន២ (LASED II) នៅឃុំដូង ស្រុកប្រាសាទបល្ល័ង្ក ខេត្តកំពង់ធំ ។
ក្នុងឱកាសនោះឯកឧត្តម សុខ លូ អភិបាលខេត្តកំពង់ធំ បានលើកឡើងថា គ្រោងបែងចែកដីដើម្បីសង្គមកិច្ច និងការអភិវឌ្ឍ សេដ្ឋកិច្ចជំហាន២ (LASED II) ផ្តល់ជូនប្រជាពលរដ្ឋ ដែលខ្វះខាតដីលំនៅឋាន និងដីកសិកម្ម។ ដែលក្នុងនោះ គម្រោងបាន ផ្តល់ដីលំនៅឋានទំហំ ៣០ម៉ែត្រx៤០ម៉ែត្រ និងដីកសិកម្មចំនួន ២ហិកតា ក្នុងមួយគ្រួសារ។ ហើយចែកជូនសម្ភារៈកសិកម្ម កូនឈើហូបផ្លែ និងសម្ភារៈសម្រាប់ធ្វើលំនៅឋាន ជាច្រើនរួមមក ហើយដែរ។ លោកនេះ គឺ គម្រោងបានផ្តល់គ្រាប់ពូជកសិកម្មសម្រាប់យកទៅបង្កបង្កើនផល បន្ថែមទៀត ជូនដល់កសិករ ដែលជាសប្បទានិក ដើម្បីលើកស្ទួយជីវភាពរបស់ប្រជាពលរដ្ឋដែល មានជីវភាពខ្វះខាតទាំង៥៥៩បន្តទៀត។ ឯកឧត្តម បញ្ជាក់ថា ដីសម្បទានសង្គមកិច្ចដែលគម្រោង LASED II ចែកជូនបងប្អូននៅពេលនេះ គឺជាដីរបស់រដ្ឋ មិនមែនជាដីកម្មសិទ្ធរបស់បុគ្គលណាម្នាក់ នោះទេ។ ហើយដីនេះគឺជាកម្មសិទ្ធិរបស់បងប្អូនស្របច្បាប់ ដូច្នេះសូមបងប្អូនខិតខំយកគ្រាប់ពូជ និងកូនឈើដែលទទួលបានក្នុងពេលនេះ និងលើកមុនៗយកទៅដាំដុះថែទាំឲ្យបានល្អ។ សូមកុំលក់ដីនេះ ទុកជាកេរ្ដិ៍សម្រាប់កូនចៅជំនាន់ក្រោយបន្តទៀត៕
លោក យ៉ូវ សេងគុណ នាយកគ្រប់គ្រងគម្រោងបែងចែកដី ដើម្បីសង្គមកិច្ច និងការអភិវឌ្ឍសេដ្ឋកិច្ចជំហាន២ (LASED II) បញ្ជាក់ដែរថា គម្រោងបានផ្តល់ជូនជាបន្តបន្ទាប់ ដែលរួមមានដីឡូតិ៍លំនៅឋាន ទំហំ ៣០ម៉ែត្រx៤០ម៉ែត្រ ដីកសិកម្មទំហំ ២ហិកតា សម្ភារៈកសិកម្ម ៨មុខមាន កូនឈើហូបផ្លែចំនួន៥មុខ សម្ភារៈសម្រាប់សាងសង់លំនៅឋានមួយចំនួនរួចមហើយ។ លើកនេះផ្តល់ជូនគ្រាប់ជូនពូជកសិកម្ម ដែលមានគ្រាប់សណ្តែកបាយ ១១.០៥០គីឡូក្រាម និងកូនស្វាយចន្ទីរ ចំនួន ៨៩.៧០០ដើម ដល់សប្បាទានិកចំនួ៥៥៩គ្រួសារ ដែលក្នុងមួយគ្រួសារទទួលបាន គ្រប់សណ្តែកចំនួន ១៧ គីឡូក្រាម និងកូនស្វាយចន្ទីរចំនួន ចំនួន១៣៨ដើម ស្មើរគ្នា៕
