រាជធានីភ្នំពេញ ៖ យោងតាមកម្មវិធី នៅថ្ងៃអង្គារ៍ ២កើត ខែកក្តិក ឆ្នាំកុរ ឯកសក្ត័ពុទ្ឋសរាជ ២៥៦៣ ត្រូវនឹងថ្ងៃអង្គារ៍ ទី២៩ ខែតុលា ឆ្នាំ២០១៩ ព្រះបរមរាជវាំងកម្ពុជា នឹងប្រារព្ឋព្រះរាជពិធីខួប១៥ឆ្នាំ នៃទិវាគ្រង់ព្រះបរមសិរីរាជសម្បត្តិ របស់ព្រះមហាក្សត្រ ជាទីសក្ការៈ ដ៏ខ្ពង់ខ្ពស់បំផុត។
នៅព្រះនាំងទេវាវិន្និឆ័យ ព្រះបរមរាជវាំង ដែលក្នុងពិធីនេះ មានការប្រព្រឹត្ត តាមបវេណី រាជានិយមកម្ពុជា ពីបុរមបុរាណ ដែល ដែលមានទាំងព្រះរាជពិធី តាមបែបពុទ្ឋសាសនា និងព្រហ្មញ្ញសាសនាចំរុះគ្នា។ នៅវេលានោះ សម្តេចព្រះបវរាជមាតាជាតិខ្មែរ នរោត្តមមុនីនាថសីហនុ ជាទីគោរពសក្ការៈដ៏ខ្ពង់ខ្ពស់បំផុត ស្តេចទ្រង់យាងថ្វាយគ្រឿងសក្តារបូជា អមដោយភ្លេងពិនពាទ្យ។ ថ្វាយបង្គំបញ្ចកកុធភណ្ឌ៣ដង តាមចង្វាក់គង។ បារគូថ្វាយព្រះពរជ័៧យមង្គល និងថា្វយស័ង្ខ។នមសិកា នៅចំពោះមុខ ព្រះភក្ត្រសម្តេចសង្ឃរាជទាំង២គណៈនិងរាជាគណសង្ឃ៥អង្គទៀត ។ ព្រមទាំងនាយមឿនសព្វមុខមន្ត្រី នៃព្រះបរមរាជវាំង។
កម្មវិធីផ្លូវការដដែល បានឲ្យដឹងថា អំពីគ្រឿងទ្រង់សំលៀកបំពាក់សម្រាប់អ្នកចូលរួម នាថ្ងៃ២៩តុលាខាងមុខ
ក្សត្រិយ៍៖ ព្រះពស្ត្រចងក្បិនពណ៌ តាមថ្ងៃ ព្រះភូសាពណ៌ស ព្រះសុភាក់ពណ៌ស៊ីនូនខ្ចី។
ក្សត្រា៖ ព្រះពស្ត្រចងក្បិនពណ៌ តាមថ្ងៃ ព្រះភូសាកុតពណ៌ស ព្រះសុពណ៌បាទ ព្រះសុពណ៌កោសបាទពណ៌ខ្មៅ។
ស្ត្រី៖ ៖ ព្រះពស្ត្រចងក្បិនពណ៌ តាមថ្ងៃ អាវពណ៌ស ក្រមាពណ៌ស៊ីនូនខ្ចី។
បុរស៖ ៖ ព្រះពស្ត្រចងក្បិនពណ៌ តាមថ្ងៃ អាវកុតពណ៌ស ស្បែកជើង ស្រោមជើងពណ៌ខ្មៅ៕
