ខេត្តកំពង់ធំ ៖ អាជ្ញាធរស្រុកសណ្ដាន់ សហការជាមួយមន្ទីរសុខាភិបាលខេត្តកំពង់ធំ និងអង្គការអាដ្រា នៅថ្ងៃទី២០ ខែសីហា ឆ្នាំ២០១៩ បានប្រារព្ធទិវាសប្តាហ៍ពិភពលោក បំបៅកូនដោយទឹកដោះម្តាយ នៅភូមិ-ឃុំក្លែង ស្រុកសណ្ដាន់ដើម្បីផ្សព្វផ្សាយដល់ប្រជាពលរដ្ឋនៅមូលដ្ឋាន ឲ្យកាន់តែជ្រាបច្បាស់ពីសារសំខាន់ នៃការបំបៅកូនដោយទឹកដោះម្ដាយ ក្រោមប្រធានបទ «យើងទាំងអស់គ្នាគាំទ្រការបំបៅកូនដោយទឹកដោះម្តាយ »។
កម្មវិធីនេះបានធ្វើឡើងក្រោមវត្តមានលោក ឡង់ គីសឹង អភិបាលស្រុកសណ្ដាន់ ដោយមានការជួយឧបត្ថម្ភគាំទ្រពីអង្គការអាដ្រាកម្ពុជា ដោយមានការអញ្ជើញចូលរួមពីកងកម្លាំងប្រដាប់អាវុធ អាជ្ញាធរ ភូមិ ឃុំ ប្រជាពលរដ្ឋ និងសិស្សានុសិស្សជាង៣៥៩នាក់។
លោក រ័ត្ន រម្យនា ប្រធានគម្រោងអោបប្រចាំខេត្តកំពង់ធំ និងខេត្តព្រះវិហារ បានលើកឡើងថា ការរៀបចំសប្តាហ៍ពិភពលោកបំបៅកូនដោយទឹកដោះម្តាយ មានគោលបំណងដើម្បីពង្រឹងការយល់ដឹងរបស់ម្តាយរួមមាន៖
ទី១៖ ម្តាយត្រូវចាប់ផ្តើមបំបៅទារកដោយទឹកដោះម្តាយភ្លាម ក្នុងអំឡុងពេល១ម៉ោងដំបូង បន្ទាប់ពីសម្រាលកូនរួចដែលនឹងត្រូវផ្តល់ទឹកដោះដំបូងដ៏មានសារប្រយោជន៍ ទី២៖ ត្រូវផ្តល់ទឹកដោះម្តាយតែមួយមុខគត់ ដល់ទារកក្នុងអំឡុងពេល៦ខែដំបូងនៃជីវិតរបស់ពួកគេ ទី៣៖ ត្រូវបន្តបំបៅកូនដោយទឹកដោះម្តាយ រហូតដល់កុមារអាយុ២ឆ្នាំ យ៉ាងតិចព្រមទាំងផ្តល់អាហារបន្ថែមឲ្យបានសមស្រប។
លោក ឡង់ គីសឹង បានលើកឡើងថា ដោយយោងតាមរបាយការណ៍ នៃការអង្កេតប្រជាសាស្ត្រ និងសុខភាព ឆ្នាំ២០១៤ បានបង្ហាញអំពីលទ្ធផលនៅក្នុងប្រទេសកម្ពុជា ការអនុវត្តបំបៅកូនដោយទឹកដោះម្ដាយពេញលេញ នៃការបំបៅកូនដោយទឹកដោះម្ដាយតែមួយមុខគត់ បានធ្លាក់ចុះពី៧៣.៥{4a6de7b8dce5f2ddf01096156ed84b79f5f03d23434eae786fc7efa79d81e2d1} នៅឆ្នាំ២០១០ មកត្រឹម៦៤.៦{4a6de7b8dce5f2ddf01096156ed84b79f5f03d23434eae786fc7efa79d81e2d1}នៅឆ្នាំ២០១៤។ ការចាប់ផ្ដើមបំបៅកូនដោយទឹកដោះម្ដាយភ្លាម ក្នុងម៉ោងដំបូង បន្ទាប់ពីសម្រាលរួច និងការបន្តបំបៅកូនដោយទឹកដោះម្ដាយ រហូតដល់អាយុ១២ខែ ត្រូវបានរកឃើញថា ធ្លាក់ចុះពី៦៥.៣{4a6de7b8dce5f2ddf01096156ed84b79f5f03d23434eae786fc7efa79d81e2d1}មកត្រឹម ៦២.៦{4a6de7b8dce5f2ddf01096156ed84b79f5f03d23434eae786fc7efa79d81e2d1} និងធ្លាក់ចុះពី ៨៣{4a6de7b8dce5f2ddf01096156ed84b79f5f03d23434eae786fc7efa79d81e2d1} មកត្រឹម៨០{4a6de7b8dce5f2ddf01096156ed84b79f5f03d23434eae786fc7efa79d81e2d1}។ បន្ថែមពីនេះ ការផ្ដល់អាហារបន្ថែមមុនអាយុ ដែលបានកំណត់មានការកើនឡើងគួរឱ្យកត់សម្គាល់ ទាំងនៅតាមទីប្រជុំជន និងជនបទនៅរវាងឆ្នាំ២០១០ ដល់ឆ្នាំ២០១៤។
លោកអភិបាល បានបន្ថែមថា ដោយមើលឃើញពីអត្រា នៃការធ្លាក់ចុះទាំងនេះ គឺជាកិច្ចការដ៏បន្ទាន់បំផុត ដើម្បីធ្វើឱ្យការអនុវត្តការបំបៅកូនដោយទឹកដោះម្ដាយតែមួយមុខគត់ នៅទូទាំងប្រទេស មានភាពប្រសើរឡើងវិញ។ ទន្ទឹមនឹងនេះ ក៏បានរកឃើញនូវមូលហេតុជាច្រើន ដែលបណ្ដាលឱ្យមានការធ្លាក់ ចុះនូវអត្រាបំបៅកូនដោយទឹកដោះម្ដាយ ដូចជា៖ ការធ្វើចំណាកស្រុក កង្វះខាតចំណេះដឹងអំពីការបំបៅដោះកូនដោយទឹកដោះម្ដាយ ទំនៀមទម្លាប់វប្បធម៌ ការខ្វះខាតការគាំទ្រពីសមាជិកគ្រួសារ និងមានការរីករាលដាល នៃការផ្សព្វផ្សាយលក់ផលិតផលជំនួសទឹកដោះម្ដាយ (ម្សៅទឹកដោះគោផ្សំតាមរូបមន្ត)។
ជាមួយគ្នានោះដែរ លោកបានផ្តាំផ្ញើដល់ម៉ែៗទាំអស់ ត្រូវយកចិត្តទុកដាក់បំបៅដោះកូនដោយទឹកដោះម្តាយ ដើម្បីជួយកុមារទទួលបានការចាប់ផ្តើមជីវិតដ៏ល្អបំផុត និងអាចជួយកាត់បន្ថយពីជម្ងឺទៀតផង៕
