ខេត្តកំពង់ធំ ៖ មន្ទីរបរិស្ថានខេត្តកំពង់ធំ បានធ្វើការឃាត់ខ្លួនមន្រ្ដីគ្រាប់ល្ពៅ៣នាក់ តាមការបញ្ចារបស់ស្ថាប័ន្ដអយ្យការអមសាលាដំបូងខេត្តកំពង់ធំ ដែលបានសហការណ៍ជាមួយមន្រ្ដីមន្ទីរបរិស្ថាន បន្ទាប់បានស្រាវជ្រាវរកឃើញថាជនសង្ស័យទាំង៣នាក់បានជាប់ពាក់ព័ន្ធនិងការ កាប់គាស់បំផ្លាញព្រៃ រុករាន ឆ្កាដុត និងឈូសឆាយដីព្រៃសហគមន៍ យកធ្វើជាកម្មសិទ្ធិ ដែលមានទីតាំងស្ថិតនៅភូមិតាឡែក ឃុំសាលាវិស័យ ស្រុកប្រាសាទបល្ល័ង្គ ខេត្តកំពង់ធំ។ សមត្ថកិច្ចនៃមន្រ្ដីបរិស្ថានបានអោយដឹងថា ការអនុវត្តដីការនេះតាមបណ្ដឹងរបស់ប្រជាពលរដ្ន១៨០នាក់ដែលជាសមាជិកសហគមន៏តំបន់ការពារធម្មជាតិជាំម្រេច ។
ជនសង្ស័យទី១ ឈ្មោះ សោម ច័ន្ទកុម្ភៈ ភេទប្រុស អាយុ៤២ឆ្នាំ ជាប្រធានសហគមន៏តំបន់ការពារធម្មជាតិជាំម្រេច ដែលមានទីកន្លែងកំណើតភូមិ១០មករា ឃុំបុស្សខ្នុរ ស្រុកចំកាលើ ខេត្តកំពង់ចាម និងបច្ចុប្បន្នមករស់នៅភូមិតាឡែក ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ បានឃាត់ខ្លួន ចោទពីបទ កាប់គាស់.រុករាន ឆ្ការដុត.ឈូសឆាយដីព្រៃដើម្បីយកធ្វើជាកម្មសិទ្ធប្រព្រឹត្តនៅលើដីសហគមន៍តំបន់ការពារធម្មជាតិជាំម្រេច ស្ថិតនៅភូមិតាឡែក ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ កាលពីកំឡុងឆ្នាំ២០១៦.២០១៧.២០១៩កន្លងទៅនេះ តាមមាត្រា២០៦ កថាខណ្ឌ១នៃច្បាប់ស្ដីពីតំបន់ការពារធម្មជាតិឆ្នាំ២០០៨ ក្រមនីតិវិធីព្រហ្មទណ្ឌ។ទី២ ឈ្មោះ.ហេង សារឿន ហៅ ម៉ៅ ភេទប្រុស អាយុ៦៧ឆ្នាំ មេភូមិតាឡែក ទីកន្លែងកំណើតនិងរស់នៅភូមិតាឡែក ឃុំសាលាវិស័យ.ស្រុកប្រាសាទបល្ល័ង្ក ខេត្តកំពង់ធំ។ទី៣ ឈ្មោះ សិត ហាន ភេទប្រុស អាយុ៣៣ឆ្នាំ ជាប្រជាពលរដ្នរស់នៅភូមិតាឡែក ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ ជាជនខិលខូច បានឃុបឃឹតអោយពលរដ្នមួយចំនួនចូលទៅកាប់ឆ្កាព្រៃ រុករាន ឆ្កាដុត និងដាក់គ្រឿងចក្រឈូសឆាយដីព្រៃសហគមន៍ជាំម្រេចនៅភូមិតាឡែក ឃុំសាលាវិស័យ. ស្រុកប្រាសាទបល្ល័ង្ក ខេត្តកំពង់ធំ លក់ទៅអោយឈ្មួញក្នុងខេត្តនិងក្រៅខេត្ត។ ជនសង្ស័យទាំង៣នាក់ខាងលើត្រូវបានលោកសេងប៉ុណ្ណា អនុប្រធាននិងជាចៅក្រមស៊ីបសួរនៃសាលាដំបូងខេត្តកំពង់ធំចេញដីការបង្កាប់អោយឃុំខ្លួននៅពន្ធនាគារខេត្តកំពង់ធំ។
លោក តុប កក្កដា ប្រធានមន្ទីរបរិស្ថានខេត្តកំពង់ធំ បានអោយដឹងថា ជនសង្ស័យ៣នាក់ខាងលើពិតជាជាប់ពាក់ព័ន្ធនិងចោទពីបទ កាប់គាស់.រុករាន ឆ្ការដុត.ឈូសឆាយដីព្រៃដើម្បីយកធ្វើជាកម្មសិទ្ធប្រព្រឹត្តនៅលើដីសហគមន៍តំបន់ការពារធម្មជាតិជាំម្រេចមែន ស្ថិតនៅភូមិតាឡែក ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំពិត ហើយកំលាំងបរិស្ថាន និងអាវុធហត្ថ ក៏បានចុះទៅឃាត់ខ្លួនបញ្ចូនទៅកាន់តុលាការ ហើយតុលាការបានសំរេចឃុំខ្លួននៅថ្ងៃទី១០.ខែសីហានេះ.នៅក្នុងពន្ធនាគារខេត្តកំពង់ធំ ជាមួយគ្នានេះ មហាជនបានងឿងឆ្ងល់ថា.សហគមន៏និងមេភូមិ.ជាប់ពន្ធនាគារ ចុះមន្ត្រីំជំនាញទីនោះបែរជារួចខ្លួនទៅវិញ ៕
