អន្តរជាតិ ៖ ប្រធានាធិបតីអាមេរិកលោក Donald Trump បាននិយាយកាលពីថ្ងៃសៅរ៍ថា “អ្វីៗនឹងដំណើរការល្អជាមួយកូរ៉េខាងជើង” ហើយលោកគ្រោងនឹងរៀបចំជំនួបកំពូលលើកទី២ ជាមួយមេដឹកនាំកូរ៉េខាងជើង លោក Kim Jong Un ដើម្បីព្យាយាមធ្វើកិច្ចព្រមព្រៀងមួយដែលអាចទាក់ទាញឲ្យកូរ៉េខាងជើង បោះបង់អាវុធនុយក្លេអ៊ែររបស់ខ្លួន។ នេះបើយោងតាមប្រភភពី khaosodenglish។
លោក Trump បានប្រាប់ក្រុមអ្នកកាសែតកាលពីថ្ងៃសៅរ៍នៅឯសេតវិមានថា យើងបានព្រមព្រៀងគ្នាជួបគ្នានៅចុងខែកុម្ភៈ។យើងបានជ្រើសរើសប្រទេសមួយ ប៉ុន្តែយើងនឹងប្រកាសវានៅថ្ងៃខាងមុខនេះ។
គួរបញ្ជាក់ថា ព័ត៌មានដំបូងនៃជំនួបលើកទី២ ជាមួយមេដឹកនាំកូរ៉េខាងជើងនេះ បានកើតឡើងបន្ទាប់ពីសម័យប្រជុំ ៩០នាទីរបស់ លោក Trump កាលពីថ្ងៃសុក្រ នៅក្នុងការិយាល័យ Oval ជាមួយបេសកជនកូរ៉េខាងជើង លោក Kim Yong Chol ដែលបានធ្វើដំណើរទៅកាន់ទីក្រុងវ៉ាស៊ីនតោន ដើម្បីពិភាក្សាអំពីកិច្ចចរចាលុបបំបាត់អាវុធនុយក្លេអ៊ែរ៕
