ខេត្តកែប ៖ កាលពីរសៀលថ្ងៃទី ២៩ ខែសីហា ឆ្នាំ២០២២ នៅសាលប្រជុំសាលាដំណាក់ចង្អើរ មានប្រារព្ធពិធីប្រកាសចូលកាន់មុខតំណែងអភិបាលនៃគណ: អភិបាលស្រុកដំណាក់ចង្អើរ ដែលប្រព្រឹត្តឡើងក្រោមអធិបតីភាព ឯកឧត្តម សោម ពិសិដ្ឋ អភិបាលនៃគណ: អភិបាលខេត្ត និងមានការ អញ្ជើញចូលរួមពីឯកឧត្តម លោកជំទាវ លោក លោក ស្រី ថ្នាក់ដឹកនាំខេត្ត មន្ត្រីរាជ ការ កងកំលាំងទាំងបី និងអាជ្ញាធរមូលដ្ឋានជាច្រើនរូប។
លោក ឆាង ឆៃ ដែលទើបទទួលតំណែង ជាអភិបាលស្រុកថ្មី មានចំណាប់អារម្មណ៍ និងសម្តែង នូវក្តី កត្តញ្ញូតាធម៌ ដ៏ជ្រាលជ្រៅ ចំពោះរាជរដ្ឋាភិបាល ដែលបានផ្តល់កិត្តិយស និងទំនុកចិត្តប្រគល់តួនាទីជាអភិបាលស្រុក ដើម្បីចូលរួមចំណែក លើកកំពស់ ប្រសិទ្ធិភាពការងារ ពិសេសការអភិវឌ្ឍន៍មូលដ្ឋានពង្រឹងការផ្តល់សេវាសាធារណៈអនុវត្តភូមិឃុំមានសុវត្ថិភាពឲ្យកាន់តែមានប្រសិទ្ធភាព និងការរីកច ម្រើនលើគ្រប់វិស័យ ។
ជាការតបស្នង ទៅនឹងទំនុកចិត្តក្នុងការប្រគល់ ភារកិច្ចថ្មីនេះ លោកអភិ បាលស្រុកដំណាក់ចង្អើរថ្មី បានប្តេជ្ញាថា៖
១-ប្តេជ្ញាគោរព និងប្រតិបត្តិដោយភក្ដីភាពចំពោះជាតិ សាសនា ព្រះមហាក្សត្រ
២-ខិតខំ និងយកចិត្តទុកដាក់ក្នុងការចូលរួមអនុវត្តអោយបានជោគ ជ័យនូវកម្មវិធីនយោបាយ និងយុទ្ធសាស្ត្រចតុកោណដំណាក់កាលទី៤ និងដំណាក់កាលជាបន្តបន្ទាប់របស់រាជរដ្ឋាភិបាល
៣-ខិតខំរៀនសូត្រពង្រឹងនិងបង្កើនសមត្ថភាពបន្ថែម ដើម្បីអនុវត្តតួនាទីភារកិច្ចដែលថ្នាក់ដឹកនាំប្រគល់ជូន
៤-ប្តេជ្ញាពង្រឹងរបៀបរបបធ្វើការងារ និងទំនាក់ទំនងល្អរវាងក្រុមប្រឹក្សានិងគណ:អភិបាល
៥-ប្តេជ្ញាពង្រឹងការអនុវត្តគោលនយោបាយភូមិ-ឃុំ មានសុវត្ថិភាព“
៦-រក្សាសាមគ្គីភាពផ្ទៃក្នុង គណ:អភិបាលក្រុមប្រឹក្សា និងមន្ត្រី-បុគ្គលិកក្រោមឪវាទរដ្ឋបាលស្រុក ពង្រីកកិច្ចសហការល្អជាមួយបណ្ដាមន្ទីរនានា។
លោក ឆាង ឆៃ ត្រូវបានតែងតាំងដោយរាជរដ្ឋាភិបាលអនុក្រឹត្យលេខ ៦៧១អនក្រ.តត របស់រាជរដ្ឋាភិបាល ចុះថ្ងៃទី ១៨ ខែសីហា ឆ្នាំ២០២២ ឋានន្តស័ក្ត ឧត្តមមន្រី្តថា្នក់លេខ ៥ ជាអភិបាលស្រុកដំណាក់ចង្អើរ ។ ដោយឡែក លោកស្រី គឹម ចាន្នី ត្រូវផ្ទេរតំណែងទៅជាអភិបាលរងខេត្តកែបវិញ ៕
