ខេត្តកំពត ៖ យោងតាមលិខិតបដិសេធចុះថ្ងៃទី 13 ខែកក្កដា ឆ្នាំ 2021 ដែលអង្គភាពសារព័ត៌មានថ្ងៃស្អែក ទទួលបាន ដោយមានព្រះគ្រូព្រះនាម ម៉ៅ សឺយ ព្រះគ្រូធម្មបញ្ញានុរ័ក្ខ ជាអនុគណស្រុកដំណាក់ចង្អើរ ខេត្តកែប និងជាព្រះចៅអធិការវត្តភ្នំលាវ ស្ថិតនៅភូមិភ្នំលាវ ឃុំពងទឹក ស្រុកដំណាក់ចង្អើរ ខេត្តកែប បានធ្វើការបដិសេធនូវលិខិតកិច្ចសន្យាចុះថ្ងៃទី 4 ខែកក្កដា ឆ្នាំ 2021 ដែលព្រះគ្រូបានផ្តិតស្នាមមេដៃចោលទាំងស្រុង ដោយចាត់ទុកថាជាការផ្តិតមេដៃទាំងបង្ខំ។
នៅក្នុងលិខិតបដិសេធនោះ ព្រះគ្រូ ម៉ៅ សឺយ បានអះអាងថា មិនបានប្រព្រឹត្តអំពើល្មើសអាបត្តិ សេពមេថុនធម្ម(រួមភេទ)ជាមួយឈ្មោះ ម៉ី មានទីលំនៅស្ថិតនៅភូមិភ្នំលាវ ឃុំពងទឹក ស្រុកដំណាក់ចង្អើរ ខេត្តកែប ដែលនាំអោយត្រូវអាបត្តិបរាជិក ខុសព្រះវិន័យរបស់សង្ឃ និងខុសបទបញ្ញាត្ដិអមពុទ្ធវិន័យឡើយ។
ព្រះចៅអធិកា ម៉ៅ សឺយ វត្តភ្នំលាវ និងជាអនុគុណស្រុកដំណាក់ចង្អើរ សូមធ្វើការឆ្លើយតបដាច់ខាតនិងបដិសេធនៅឯកសារពាក្យបណ្ដឹងចំពោះលោកប្រធានមន្ទីរធម្មការសាសនាខេត្តកែប និងលោកស្រី គឹម ចាន់នី ជាអភិបាលស្រុកដំណាក់ចង្អើរ រួមនឹងអាជ្ញាធរទាំងអស់ក្នុងខេត្តកែប ។
សូមរំលឹកថា ថ្មីៗនេះមានលិខិតមួយច្បាប់ដែលចេញដោយលោកប្រធានមន្ទីរធម្មការសាសនាខេត្តកែប បានធ្វើការចោទប្រកាន់លើព្រះចៅអធិកាវត្តភ្នំលាវ បានលួចលាក់មានសេ្នហាជាមួយស្រីមេម៉ាយកូន ១ ម្នាក់ដែលមានឈ្មោះ ម៉ី នៅក្នុងភូមិភ្នំលាវ ឃុំពងទឹក ស្រុកដំណាក់ចង្អើរ ខេត្តកែប ។
ព្រះគ្រូ ម៉ៅ សឺយ បានឲ្យដឹងតាមលិខិតបដិសេធថា កាលពីព្រឹកថ្ងៃទី៤ ខែកក្ដដា ឆ្នាំ២០២១ ព្រះវិន័យធរគណខេត្ត ព្រះបុណ្ណភិរ័ក យ៉ា សុបុល និងបក្យពួកបីនាក់ទៀតបានហៅឲ្យខ្ញំករុណាឡើងទៅលើព្រះវិហារលើភ្នំ និងហាមឃាត់ដាច់ខាត់មិនឲ្យគណះកម្មាកាវត្តចូលរួមស្ដាប់ឡើយ ។ ដោយកំនត់ថ្ងៃទី ៩ ខែកក្ដដា ឆ្នាំ២០២១ ត្រូវលាចាកសិក្ខាបទភ្លាម ដោយបានចោទប្រកាន់ខ្ញំព្រះករុណា បានប្រព្រឺត្តល្មើសអាបត្តិ សេពមេថុនធម្ម (រួមភេទ)ទាំងមិនមានភស្តុតាងអ្វីទាំងអស់ ហើយក៏ពុំមាននរណាឬខាងស្រីណាម្នាក់បានដាក់ពា្យបណ្ដឺងឡើយ ។ ខ្ញំព្រះកុណាព្រះចៅអធិកាវត្តភ្នំលាវ សូមធ្វើការបដិសេធទាំងស្រុងរាល់ទង្វើដ៏អាក្រក់បំផុតដែលចង់បានផលប្រយោជន៏លាភសក្ការះពីខ្ញំករុណា ។ ជាចុងក្រោយ ខ្ញុំព្រះករុណាព្រះចៅអធិកាវត្តភ្នំលាវ និងជាអនុគណស្រុកដំណាក់ចង្អើរ សូមធ្វើការបដីសេធដែលមានលិខិតពាក្យបដិសេធខាងលើស្រាប់ ៕
